इटहरीको बाढीमा एक जनाको शव भेटियो

हिलो माटोले पुरेको अवस्थामा करिब ५५-६० वर्ष उमेरको जस्तो देखिने पुरुषको शव फेला परेको प्रहरीले जनाएको छ । वर्षासँगै आएको बाढीले कम्तीमा पाँच जना बेपत्ता भएका छन् ।

यसअघि अविरल वर्षाले इइटहरीको तरहरास्थित पानीपिया क्षेत्रमा ठूलो बाढी आउँदा एक मोटरसाइकल यात्रीलाई बाढीले बगाएर बेपत्ता बनाएको थियो । प्रमुख जिल्ला अधिकारी इन्द्र देव यादवका अनुसार सुनसरीको धरानका दुई बालबालिकाको मात्र सनाखत हुन सकेको छ ।

उनले भने, 'बाढीमा परेर इटहरीमा मात्र पाँच जना बेपत्ता भएका छ्न् । बेपत्ताको खोजी भइरहेको छ । बराहक्षेत्र नगरको चतरामा पनि दुई जना बेपत्ता भएको स्थानीयले बताएका छन् । तर त्यो भने पुष्टि हुन सकेको छैन ।,'

प्रजिअ यादवका अनुसार बेपत्त हुनेहरुमा सुनसरीको इटहरी बस्ने सताही मन्डल, योगेन्द्र तिवारी, ईश्वरी पराजुली, रोशन बुढाथोकी र राजकुमार राई रहेका छन् ।