झापाका ४० घर डुबानमा, उद्वारमा कठिनाइ

जिल्ला प्रहरी कार्यालय झापाका अनुसार गौरीगञ्‍ज १ जोडा होकलबाडीका ४० घर डुबानमा परेका हुन् । प्रहरीले डुबानमा परेका स्थानीयलाई सुरक्षित स्थानतिर सार्ने प्रक्रिया सुरु गरेको जनाएको छ । तर, तिब्र वर्षा र बाढीका कारण तत्काल उद्वार टोलीलाई घटनास्थलमा खटाउन नसकिएको जिल्ला प्रहरी कार्यालय झापाका प्रवक्ता डीएसपी राकेश थापाले जनाए ।

प्रहरीका अनुसार स्थानीयले प्रयोग गर्ने एउटा नाउसमेत खोलाले बगाएपछि उद्वारमा समस्या भएको बताइएको छ । दावाँबाट कनकाई खोलाको बाढी पसेपछि उक्त बस्ती टापु जस्तै बनेको स्थानीयको भनाइ छ ।