पहिरोले पुरिएर धरानमा दुई बालबालिकाको मृत्यु

धरानस्थित संघीय प्रहरी इकाइ कार्यालयका एसपी भीम दाहालका अनुसार निशान राईको ४ वर्षीय छोरा निहान राई र ७ वर्षीया छोरी निशु राईको पहिरोमा पुरिएर मृत्यु भएको हो ।

पहिरोले घरको आधा भाग पुरिएपछि मंगलबार घरमै रहेका दिदी-भाइको पनि ज्यान गएको एसपी दाहालले बताए । घटनास्थलमा उद्वारमा खटिएकाहरुले बालबालिकालाई मृत अवस्थामा घरबाट निकालेका थिए । उनका अनुसार मृत दुवै बालबालिकालाई पोस्टमार्टमका लागि बीपी कोइराला स्वास्थ्य विज्ञान प्रतिष्ठान पठाइएको छ ।