कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

टिपरको ठक्करबाट चालकको मृत्यु, स्थानीयद्वारा पूर्वपश्चिम राजमार्ग अवरुद्ध

काँकडभिट्टा — टिपरको ठक्करबाट सोमबार बिहान झापामा एक जनाको ज्यान गएको छ । पूर्व–पश्चिम राजमार्ग अन्तर्गत माइधार भन्ने ठाउँमा टिपरले म्याजिक भ्यानलाई ठक्कर दिँदा त्यसका चालकको मृत्यु भएको हो । सवारी दुर्घटनाका विषयमा स्थानीयले झापाको माइधार खण्डमा पूर्व पश्चिम राजमार्ग अवरुद्ध गरेका छन् ।

टिपरको ठक्करबाट चालकको मृत्यु, स्थानीयद्वारा पूर्वपश्चिम राजमार्ग अवरुद्ध

मृतक झापाको दमक नगरपालिका–९ निवासी अन्दाजी ४० वर्षीय नेत्रबहादुर खड्का रहेको प्रहरीले जनाएको छ ।

पश्चिमबाट पूर्वतर्फ जाँदै गरेको को२च २६३२ नम्बरको सो भ्यानलाई प्रदेश–०३–००१–क ००९५ नम्बरको टिपरले ठक्कर दिएको थियो ।

ठक्करपछि भ्यान उछिट्टिएर कनकाई नहरभित्र डुबेको थियो । नहरमा डुबेका कारण चालकको निस्सासिएर मृत्यु भएको जिल्ला प्रहरी कार्यालय झापाले जनाएको छ ।

दुर्घटनापछि स्थानीयले गलत ठाउँमा ट्राफिक प्रहरीले जाँच गरेको भन्दै कारबाही माग गर्दै पूर्व–पश्चिम राजमार्गमा अवरोध गरेका छन् ।

प्रकाशित : आश्विन ११, २०७८ १०:३८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?