४ लाख नगदसहित दमकबाट १७ जुवाडे पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

४ लाख नगदसहित दमकबाट १७ जुवाडे पक्राउ

अर्जुन राजवंशी

बिर्तामोड — जुवाको खालबाट प्रहरीले नगदसहित १७ जनालाई पक्राउ गरेको छ । मंगलबार राति साढे ११ बजे दमक नगरपालिका-१ स्थित हिमाल देवानको घरभत्रि जुवा खेलिरहेको अवस्थामा प्रहरीले ४ लाख २७ हजार ६ सय रुपैयाँसहित उनीहरुलाई नियन्त्रणमा लिएको हो ।

प्रहरी आएको थाहा पाएपछि भाग्ने क्रममा भद्रपुर नगरपालिका-१० का ५० वर्षीय ठाकुरप्रसाद निरौला घाइते भएका छन् । उनको दमकस्थित लाइफलाइन अस्पतालमा उपचार भइरहेको छ ।

जुवाको खालबाट पक्राउ पर्नेहरूमा भद्रपुर नगरपालिका-७ का ५१ वर्षीय युवराज न्यौपाने, भद्रपुर-९ का ४९ वर्षीय दिलबहादुर राई, बिर्तामोड नगरपालिका-१ का ४२ वर्षीय तीर्थ अधिकारी, गौरादह नगरपालिका-५ का ४५ वर्षीय हरि कोइराला, कमल गाउँपालिका-४ का ४७ वर्षीय सुविन्द्र सुब्बा, कनकाई नगरपालिका-३ का ३२ वर्षीय मोहन बराल, सुनिल साह, मोरङ ग्रामथान गाउँपालिका-४ का ५७ वर्षीय लक्ष्मीप्रसाद अधिकारी, ४२ वर्षीय नैनकुमार चौधरी, ४४ वर्षीय रुपेश तामाङ, पथरीशनिश्चरे नगरपालिका ४ का ४० वर्षीय बलराम बस्ने, वडा नम्बर १ का ४३ वर्षीय गंगाराम मगर, बेलबारी नगरपालिका ११ का २१ वर्षीय निशान पोखरेल, दमक ७ का ४९ वर्षीय कर्ण राई, ४० वर्षीय राजन हादाल र ३४ वर्षीय विनोद थेबे रहेको डीएसपी राकेश थापाले जानकारी दिए ।

प्रकाशित : आश्विन ६, २०७८ १३:४५
प्रतिक्रिया
पठाउनुहोस्

आईसीयू र भेन्टिलेटरमा घट्न थाले बिरामी  

कान्तिपुर संवाददाता

काठमाडौँ — कोरोना संक्रमण ओरालो लागेसँगै उपत्यकाका अस्पतालमा आईसीयू तथा भेन्टिलेटरमा बिरामीको चाप घट्न थालेको छ । 

यसअघि बिरामीको चाप बढेर अस्पताल परिसरमै उपचार गर्नुपर्ने अवस्था आएको टेकुस्थित शुक्रराज ट्रोपिकल तथा सरुवा रोग अस्पतालमा अहिले आईसीयू र भेन्टिलेटरका बेड खाली भएका छन् ।

अस्पतालका निर्देशक डा. अनुप बास्तोलाका अनुसार करिब ४ हप्तायता कोभिडका बिरामीको संख्यामा आएको छ । उनले अहिले २९ जना बिरामी उपचाररत रहेकोमा १३ जना आईसीयूमा र ८ जनालाई भेन्टिलेटरको सपोर्टमा उपचाररत रहेको जानकारी दिए । ‘घट्दै गएको छ । खुसी कुरा हो । भिडभाड हुन नदिने र मास्क अनिवार्य गरे संक्रमण नियन्त्रण हुन्छ,’ उनले भने ।

त्रिवि शिक्षण अस्पतालका आईसीयू पनि खाली भएका छन् । अस्पतालका कोभिड फोकल पर्सन रामविक्रम अधिकारी भन्छन्–‘१२ बेड हामीले कोभिड आईसीयू बनाएका थियौं त्यो खाली भएपछि हामीले जनरल बिरामी राख्न थालेका छौं । त्यसैगरी भेन्टिलेटरमा ३ जना मात्र बिरामी उपचाररत छन् । अस्पतालमा कोभिडका ४५ जना बिरामी उपचाररत रहेको उनले जानकारी दिए ।

पाटन अस्पतालको एचडीयूमा ३३ जना र आईसीयूमा १० जनाले उपचार गराइरहेका छन् । यो अस्पतालमा ७३ शय्या एचडीयू र आईसीयू २८ शय्या छन् ।

स्वास्थ्य तथा जनसंख्या मन्त्रालयको मंगलबारको तथ्यांक हेर्ने हो भने देशभर १०७ जना भेन्टिलेटरमा तथा ३३५ जना आईसीयूमा उपचार गराइरहेका छन् । देशभर सक्रिय संक्रमितको संख्या २१ हजार ५२४ रहेको छ ।

प्रकाशित : आश्विन ६, २०७८ १३:३८
पूरा पढ्नुहोस्
प्रतिक्रिया
पठाउनुहोस्
×