हात्तीको आक्रमणबाट महिलाको मृत्यु
सुनसरी — कोसी टप्पु वन्यजन्तु आरक्षबाट निस्केको जंगली हात्तीले आक्रमणमा परी सुनसरीको बराह क्षेत्र नगरपालिका–११ स्थित मधुवनमा एक महिलाको मृत्यु भएको छ ।
सोमबार दिउँसो खेतमा घाँस काट्न गएको बेला हात्तीको आक्रमणमा परी मगनी खत्वेको मृत्यु भएको प्रहरीले जनाएको छ ।
इनरुवास्थित जिल्ला प्रहरी कार्यालय सुनसरीका प्रमुख एसपी सञ्जयसिंह थापाले आरक्षबाट निस्केको हात्तीको आक्रमणबाट ती महिलाको मृत्यु भएको जानकारी दिएको छ ।