कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १५७

‘टनेल विधि’ बाट तरकारी दोब्बर

धनकुटा — टनेल विधिबाट तरकारी खेती गर्दा उत्पादन दोब्बर हुने भएपछि किसान यसतर्फ आकर्षित भएका छन् । परम्परागत तरिकाले भन्दा नयाँ विधिबाट गरिएको खेतीले फाइदा हुने भएपछि गाउँभरि उक्त प्रयोग गर्न थालिएको छ ।

‘टनेल विधि’ बाट तरकारी दोब्बर

धनकुटा–२ का वडाध्यक्ष समेत रहेका कृषक चन्द्रबहादुर तामाङका अनुसार टनेल बिधिबाट भएको उत्पादन धेरै हुने भएपछि माग बढेको छ ।

चिसो मौसम रहेको पात्ले, निगाले, हिले क्षेत्रमा मौसमी र बेमौसमी तरकारी खेतीका लागि टनेल प्रभावकारी रहेको धनकुटा–१ का कृषक तेजकुमार सिजाली मगरले बताए । पहिले गोलभेडा फलाउन नसकेका उनले टनेलमा गरिएको खेतीले मनग्य उत्पादन भएको बताए ।

धनकुटा–३ पात्लेका गोपाल वाग्ले पनि टनेलमा तरकारी फलाएर मनग्य आम्दानी गर्छन् । उनी खुला स्थानमा भन्दा टनेलमा तरकारी उत्पादन दोब्बर भएको बताउँछन् । धनकुटा–२ भीरगाउका प्रेमबहादुर पाठकले गत चैत्रमा टनेल बनाएर गोलभेंडा लगाए ।

राष्ट्रसंघीय विकास कार्यक्रम र धनकुटा नगरपालिकाको आर्थिक सहयोग तथा ‘पर्डेप नेपाल’ को व्यवस्थापनमा टनेल विधिमार्फत् खेती गरिएको हो । उक्त कार्यक्रम नगरका झन्डै एक हजार घरमा सञ्चालन गरिएको छ । कार्यक्रमले किसानलाई टनेल र गोलभेंडा, ढिडे खोर्सानी, हात्तिसुढें खोर्सानी, व्रोकाउली, काउली, सागलगायत विउ दिएको थियो । तरकारी बिक्रीका लागि सिजालीमा तरकारी संकलन केन्द्र बनाइएको छ । धनकुटा–३ सिप्तिङका भक्तबहादुर मल्ल र कृष्ण खत्रीले टनेलमा ग्राफ्टिङबाट एभोकाडोको बेर्ना समेत उत्पादन गरेका छन् ।


प्रकाशित : आश्विन ४, २०७८ १२:२२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?