झापामा भ्यानको ठक्करबाट बालकको मृत्यु

जिल्ला प्रहरी कार्यालय झापाका अनुसार मृत्यु हुनेमा सर्लाही भक्तिपुर गाउँपालिका–३ ईश्वरपुर घर भई घुम्दै फिर्दै आई सोही स्थानमा पाल टाँगी बस्ने लोहरा कापरीको ४ वर्षीय छोरा मानवको मृत्यु भएको हो ।

पूर्व–पश्चिम राजमार्गस्थित कमल गाउँपालिका ५ आदिवासी रंगशाला नजिकै बाटो काट्ने क्रममा बालकलाई भ्यानले ठक्कर दिएको थियो । प्रदेश ०३–००१ च ०३६४ नम्बरको भ्यानको ठक्करबाट उनको घटनास्थलमै मृत्यु भएको प्रहरीले जनाएको छ । भ्यान र चालक मकवानपुर हेटांैडा नगरपालिका–११ का २४ वर्षीय अजय पाख्रिनलाई ईलाका प्रहरी कार्यालय दमकले नियन्त्रणमा लिएको छ ।