नक्कली नेपाली नोटसहित दुई भारतीय पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

नक्कली नेपाली नोटसहित दुई भारतीय पक्राउ

कान्तिपुर संवाददाता

सुनसरी — नेपाली नक्कली नोटसहित शुक्रबार दुई भारतीय नागरिक पक्राउ परेका छन् । जिल्ला प्रहरी कार्यालयले दिएको जानकारी अनुसार सुनसरीको देवानगञ्ज गाउँपालिका–२ मध्यहर्साही पेट्रोल पम्प नजिकैबाट ४० वर्षीय नवलकिशोर पाल र ३२ वर्षीय सुमन पाल पक्राउ परेका हुन् । 

उनीहरू दुवै भारतको बिहारस्थित अररिया जिल्लाको रामनगरका बासिन्दा हुन् । उनीहरूका साथबाट प्रहरीले एक सय दरका नेपाली नक्कली नोट १६ थान र विआर ५०–एस ८४०६ नम्बरको मोटरसाइकल पनि बरामद गरेको छ । दुवैलाई मुलुकी अपराधसंहिता २०७४ को परिच्छेद २२ मुद्रा सम्बन्धी कसुर अन्तर्गत सुनसरी जिल्ला अदालतबाट ७ दिनको म्याद थप गरी अनुसन्धान भइरहेको प्रहरीले जनाएको छ ।


प्रकाशित : भाद्र ४, २०७८ १९:०४
प्रतिक्रिया
पठाउनुहोस्

महालेखाको ५८ औं प्रतिवेदन : ३४३ स्थानीय तहले किने एक अर्ब ३३ करोडका सवारी साधन

कान्तिपुर संवाददाता

काठमाडौँ — कानूनत: संघीय सरकारले पठाएको बजेटबाट स्थानीय तहले सवारी साधन खरिद गर्न वा भाडामा लिएर उपयोग गर्न पाउँदैनन् । तर, गाउँको विकास निर्माणका लागि केन्द्र सरकारले पठाएको बजेटबाट स्थानीय तहले गाडी किनेर जनप्रतिनिधिले विलासितामा प्रयोग गरिरहेका छन् ।

आर्थिक वर्ष ०७६/७७ मा ३४३ वटा स्थानीय तहले संघीय सरकारबाट प्राप्त वित्तिय समानीकरणअन्तर्गतकै बजेटबाट सवारी साधन खरिद गरेका छन् । महालेखा परीक्षकको कार्यालयको ५८ औँ वार्षिक प्रतिवेदनअनुसार ती स्थानीय तहले सवारी साधन खरिदमा एक अर्ब ३३ करोड २४ लाख ५५ हजार रुपैयाँ खर्च गरेका छन् । कतिपय स्थानीय तहले भने मोटो रकम खर्चिएर सवारी साधन भाडामा लिएर प्रयोग गरिरहेको प्रतिवेदनमा उल्लेख छ ।

‘केही स्थानीय तहले आन्तरिक आयबाट सवारीसाधन खरिद गरेपनि अधिकांशले वित्तिय समानीकरण अनुदान रकमबाट खरिद गरेकाले विकास निर्माण कार्यमा खर्च गर्नुपर्ने रकम सुविधा तथा उपभोगसम्बन्धी कार्यमा खर्च भएको छ, यस्तो खर्च नियन्त्रण गर्नुपर्दछ,’ महालेखाले भनेको छ ।

प्रतिवेदनअनुसार ५१ स्थानीय तहले व्याक–हो लोडर, एक्साभेटर लगायतका हेभी मेसिनरी उपकरण खरिद गरी ३३ करोड ५० लाख ५० हजार खर्च गरेका छन् ।

प्रकाशित : भाद्र ४, २०७८ १८:४४
पूरा पढ्नुहोस्
प्रतिक्रिया
पठाउनुहोस्
×