वृद्धभत्ता लिन सास्ती, भीडले संक्रमणको जोखिम

धनकुटा बजारस्थित माछापुच्छ्रे बैंक पुगेका ८० वर्षीय धनबहादुर राई भत्ता लिन असाध्यै सास्ती खेप्नुपरेको गुनासो पोख्छन् । बैंकमा खाता मिलाउन आएको बताउने धनकुटा–२ की ७० वर्षीया ज्यानमाया राई आतेजाते गर्दा भत्ताबापतको आधा रकम खर्च हुने बताउँछिन् । बैंकमा दैनिक सयभन्दा बढी ज्येष्ठ नागरिकको भीड हुने गरेको छ ।

विगतमा घरदैलोमा सामाजिक सुरक्षाभत्ता उपलब्ध गराए पनि सुरक्षाका कारण बैंकमा रकम जम्मा गरिएको धनकुटा नगरपालिकाका प्रमुख प्रशासकीय अधिकृत रामबहादुर थापाले बताए । कतिपय ठाउँमा अनियमितता र असुरक्षासमेत भएकाले बैंकिङ प्रणाली अपनाइएको उनको भनाइ छ ।