अदालत परिसरमा कर्मचारी मृत भेटिइन्

असार २८, २०७८विप्लव भट्टराई

इलाम — उच्च अदालत विराटनगरको इलाम इजलासमा कार्यरत कर्मचारी विमलाकुमारी पराजुली मृत भेटिएकी छिन् । सुरक्षा घेराभित्र रहेको कार्यालय परिसरमा नै ४८ वर्षीया पराजुलीको शव शंकास्पद अवस्थामा भेटिएको हो ।

घटनाको अनुसन्धान भइरहेको इलामका प्रहरी उपरीक्षक महेन्द्र श्रेष्ठले जानकारी दिए । पराजुलीको घर सोलुखुम्बुको नेचासल्यान गाउँपालिका–२ भएको प्रहरीले जनाएको छ । घटनाको अनुसन्धानका लागि धरानबाट तालिमप्राप्त कुकुर झिकाइएको प्रहरीले जनाएको छ ।