बीपी प्रतिष्ठानको कोभिड अस्पतालमा थप ५ जना संक्रमितको मृत्यु
सुनसरी — धरानस्थित बीपी कोइराला स्वास्थ्य विज्ञान प्रतिष्ठानको इमर्जेन्सी कक्ष र कोभिड अस्पतालमा ५ जनाको मृत्यु भएको छ ।
कोरोना संक्रमण भएपछि प्रतिष्ठानमा उपचारका लागि ल्याइएकामध्ये पछिल्लो २४ घण्टामा ५ जनाको मृत्यु भएको हो ।
प्रतिष्ठानका सहप्रवक्ता डा. चुडामणि पोखरेलका अनुसार मृतकहरुमा मोरङको बेलबारी नगरपालिका–९ बस्ने २८ वर्षीया महिला, धनुषाको जनकपुर–१४ बस्ने १७ वर्षीया महिला, सप्तरीको बलान विहुल–६ बस्ने ४७ वर्षीय पुरुष, सप्तरीकै सुरुङ्गा १ बस्ने ७० वर्षीया महिला, उदयपुरको त्रियुगा नगरपालिका ३ बस्ने ५० वर्षीया महिला रहेका छन् ।
प्रकाशित : जेष्ठ ४, २०७८ ०९:२३प्रतिक्रिया