ओखलढुंगामा निषेधाज्ञा- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

ओखलढुंगामा निषेधाज्ञा

कान्तिपुर संवाददाता

ओखलढुंगा — संक्रमणको जोखिम बढेपछि आइतबार रातिदेखि लागू हुने गरी जिल्लामा निषेधाज्ञा जारी भएको छ । ग्रामीण भेगमा समेत कोभिड संक्रमण देखिन थालेपछि स्थानीय प्रशासनले १५ दिन लामो निषेधाज्ञा जारी गरेको हो ।

सदरमुकाममा मात्र नभएर गाउँगाउँमा समेत कोभिडका बिरामी पुष्टि हुन थालेपछि स्थानीय प्रशासनले निषेधाज्ञाको निर्णय गरेको हो । तीन दिनयता दैनिकजसो कोभिडका बिरामी भेटिएका छन् ।

हालसम्म जिल्लाभित्रै पुष्टि भएका संक्रमित १२ जना छन् । विभिन्न लक्षणसहित उपचारका लागि काठमाडौं गएका बिरामीहरूमा पनि कोभिड पुष्टि हुने क्रम जारी छ । प्रशासनले एम्बुलेन्स, खाद्यान्न, औषधि, पेट्रोलियम पदार्थ जस्ता अत्यावश्यकीय बाहेकका सबै सेवा बन्द गर्ने जनाएको छ ।

प्रकाशित : वैशाख २७, २०७८ ०८:४०
प्रतिक्रिया
पठाउनुहोस्

विराटनगरमा कोरोनाबाट ८ को मृत्यु

कान्तिपुर संवाददाता

मोरङ — विराटनगरमा कोरोना संक्रमणले ८ जनाको मृत्यु भएको छ । सात जनाको अस्पतालमा उपचारक्रममा र एक जनाको घरैमा मृत्यु भएको हो ।

विराट मेडिकलमा सुनसरीको इटहरी ८ की ५४ वर्षीया संक्रमितको आइतबार मृत्यु भएको छ । यस्तै, नोबेल अस्पताल विराटनगरमा त्रिवेणी चोकका ७६ वर्षीय, धरान–१७ का ६६ वर्षीय र सिरहाको कल्याणपुर–४ की ३८ वर्षीयाको आइतबार मृत्यु भएको छ ।

यस्तै, मोरङको उर्लाबारी–६ की ३९ वर्षीया, झापाको मेचीनगर–६ का ६० वर्षीय र सप्तरीको बोदे बरसाइन नगरपालिका– १० का ३५ वर्षीयको शनिबार राति मृत्यु भएको नोबेल अस्पतालका प्रबन्धक नारायण दाहालले बताए । यस्तै, विराटनगर– १० का ५२ वर्षीयको होम आइसोलेसनमा मृत्यु भएको महानगरका प्रहरी निरीक्षक राजन पौडेलले बताए ।

प्रकाशित : वैशाख २७, २०७८ ०८:३७
पूरा पढ्नुहोस्
प्रतिक्रिया
पठाउनुहोस्
×