कोरोना संक्रमणबाट धरानका उद्योगी रोशन सोनीको निधन

पारिवारिक स्रोतका अनुसार सोनी पछिल्लो समय आन्द्रामा समस्या भएर उपचारका लागि भारतको दिल्ली गएका थिए । दिल्लीमा अप्रेसन गरेर उनी घर फर्किएका थिए । सोही क्रममा पीसीआर जाँच गर्दा उनलाई कोरोना संक्रमण पुष्टि भएको थियो । त्यसपछि उनलाई उपचारका लागि एक साताअघि मोरङको विराट मेडिकल शिक्षण अस्पताल लगिएको थियो ।

सोनीले धरानको तीनकुनेमा सूर्य कत्था उद्योग र टरपेन्टाइन खोटोको उद्योग र पेट्रोल पम्पसमेत सञ्चालन गर्दै आएका थिए । उनको शवलाई विराटनगरस्थित सिंगिया खोलामा नै अन्त्येष्टि गरिने धरानका व्यवसायी कृष्ण पाठकले जानकारी दिए ।