कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १६०

संखुवासभामा व्यवसाय वैशाख मसान्तसम्म बन्द

संखुवासभा — सदरमुकामका पसल व्यवसाय बुधबारबाट पूर्णरूपमा बन्द गरिएको छ । कोरोना संक्रमणको जोखिम बढेपछि संखुवासभा उद्योग वाणिज्य संघले वैशाख २२ देखि ३१ सम्म खाँदबारी र आसपासका बजार क्षेत्रमा भएका पसल व्यवसाय बन्द गरेको हो । 

संखुवासभामा व्यवसाय वैशाख मसान्तसम्म बन्द

संघले औषधि पसल भने २४ घण्टा सञ्चालन गरिने जनाएको छ । खाद्यान्न पसलहरू बिहान ६ देखि ९ र बेलुकी ४ देखि ६ बजेसम्म स्वास्थ्य मापदण्ड अपनाएर सञ्चालन गर्ने र साप्ताहिक हाटबजारमा आउने सागसब्जीलाई बजार घुमाएर बिक्री गर्नुपर्ने संघले जनाएको छ ।

त्यस्तै, खाँदबारी नगरपालिकाले नगरक्षेत्रभित्र लाग्ने साप्ताहिक हाटबजार पूर्णरूपमा बन्द गरेको छ । शुक्रबार, शनिबार र बुधबार लाग्ने साप्ताहिक हाटबजारमा भीडभाड धेरै भएको भन्दै नगरपालिकाले बन्द गरेको हो ।

खाँदबारीमा अटेरीपनका कारण कोरोनाको जोखिम बढ्दो छ । पसल व्यवसाय बन्द भए पनि यातायात भने निर्बाध रूपमा सञ्चालनमा छन् । सहरका विभिन्न स्थानबाट घर फर्किनेहरू बढेका छन् । जिल्ला प्रशासन कार्यालयले अहिले नै निषेधाज्ञा लगाउने केही तयारी नभएको जनाएको छ । संखुवासभामा चैत १९ यता ६६ जना संक्रमित भइसकेका छन् ।

प्रकाशित : वैशाख २३, २०७८ ११:०३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?