चट्याङले खोटाङमा एकको मृत्यु
खोटाङ — चट्याङले जिल्लाको दिप्रुङ–चुइचुम्मा गाउँपालिकामा बिहीबार एक जनाको मृत्यु भएको छ । वडा नं ६ छितापोखरी बास्तलाका ६९ वर्षीय अगमबहादुर राईको बिहीबार बिहान मृत्यु भएको हो ।
बिहान आठ बजे घरमा चिया पिइरहेका बेला परेको चट्याङले राईको मृत्यु भएको स्थानीय नारायण राईले बताए । चट्याङले राईकी छोरी ४५ वर्षीया तारा र नातिनी १४ वर्षीया रचना बेहोस् भएका थिए ।
उनीहरूको अवस्था सामान्य रहेको नारायणले जानकारी दिए । प्रहरी नायब उपरीक्षक नारायणप्रसाद चिमरियाका अनुसार इलाका प्रहरी कार्यालय खोटाङबजार र अस्थायी प्रहरी चौकी छितापोखरीको टोली घटनास्थलमा खटिएको छ ।