नेपाल पत्रकार महासंघ झापाको अध्यक्षमा एकराज गिरी निर्वाचित- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

नेपाल पत्रकार महासंघ झापाको अध्यक्षमा एकराज गिरी निर्वाचित

कान्तिपुर संवाददाता

झापा — नेपाल पत्रकार महासंघको चुनावमा प्रधानमन्त्री केपी ओलीको गृहजिल्ला झापामा एमालेनिकट प्रेस चौतारीले हार बेहोरेको छ ।

महासंघ झापाको अध्यक्षमा एकराज गिरी विजयी भएका छन् भने अधिकांश पदमा उनकै प्यानल विजयी भएको छ । गिरीले प्रेस चौतारीका विशाल नेम्वाङ र प्रेस चौतारीबाटै बागी उम्मेदवारी दिएका तीर्थ सिग्देललाई हराएका हुन् ।

त्यस्तै उपाध्यक्षमा संयुक्त प्यानलका केशव भट्टराई निर्वाचित भए । उनले गोपाल झापाली र हिमाल खरेललाई पराजित गरेका हुन् । सचिवमा डिकेश लामा निर्वाचित भए । उनीसँग सुब्रत न्यौपाने र प्रेम आचार्य पराजित भए । सहसचिव खुल्लामा राजु पाठक निर्वाचित भए । उनले विनोद सापकोटालाई पराजित गरे । समावेशी सहसचिवमा अर्जुन राजवंशी निर्वाचित भएका छन् । त्यस्तै कोषाध्यक्षमा रन्जित प्रसाईले रमेश तिवारीलाई हराए ।

सदस्यहरुमा मनिषा चम्लागाई, विनोद पाण्डे, चिरन्जीवी घिमिरे, सुष्मा राजवंशी, होमप्रसाद अधिकारी, द्रोण अधिकारी र रन्जित परियार, राजन साम्पाङ, अच्युतराज सुवेदी, अनिल वाग्ले र सुनिरा मैनाली निर्वाचित भएका छन् ।

त्यस्तै केन्द्रीय परिषद् सदस्यका लागि ४ जनाबीच प्रतिस्पर्धा भएको थियो । चारमध्ये तीन जना निर्वाचित हुनुपर्नेमा कृष्ण हुमागाई, ज्ञानेन्द्र निरौला र गोपाल काफ्ले निर्वाचित भए भने प्रधानमन्त्री ओलीका पूर्व प्रेस संयोजक चेतन अधिकारी पराजित भएका छन् ।

झापा शाखामा २ सय ६३ मतदाता रहेकामा बुधबारको निर्वाचनमा २ सय ५६ मत खसेको थियो ।

प्रकाशित : चैत्र २६, २०७७ १०:१५
प्रतिक्रिया
पठाउनुहोस्

सशस्त्रका बीओपीमा सीसीटीभी क्यामेरा

कान्तिपुर संवाददाता

पर्सा — सशस्त्र प्रहरीले जिल्लास्थित ७ वटा बोर्डर आउट पोस्ट (बीओपी) मा सीसीटीभी क्यामेरा जडान गरेको छ । प्रहरी प्रधान कार्यालयको लगानीमा वीरगन्ज भन्सार, सिर्सिया, अलौं, अमरपट्टी, भिस्वा, सुवर्णपुर र ठोरी बीओपीमा क्यामेरा जडान गरिएको हो । 

सशस्त्र प्रहरी जिल्ला कार्यालयका प्रहरी नायब उपरीक्षक निर्मलकुमार थापाका अनुसार भन्सार बीओपीमा ४ वटा र अन्यमा ३/३ वटाको दरले क्यामेरा जडान गरिएको हो । जिल्लामा १७ वटा बीओपी छन् । ‘कतिपय स्थानमा केबलको अभावले समस्या भएको छ,’ थापाले भने, ‘मुख्य नाका तथा बढी मुभमेन्ट भएका नाकास्थित बीओपीलाई प्राथमिकतामा राखेका छौं ।’

सबै बीओपीका क्यामेराको कनेक्सन जिल्लास्थित सशस्त्र प्रहरी उपरीक्षक नेतृत्वको कार्यालयसँग रहनेछ । सीमा अनुगमन र सीमामा हुने चोरी पैठारी नियन्त्रणका लागि यस्तो अभियान सुरु गरिएको थापाले बताए । भारतबाट नेपालतर्फ दैनिक उपभोग्य वस्तु र लत्ताकपडाको तस्करी हुने गरेको छ ।

प्रकाशित : चैत्र २६, २०७७ ०९:३३
पूरा पढ्नुहोस्
प्रतिक्रिया
पठाउनुहोस्
×