एम्बुलेन्सको ठक्करबाट घाइते महिलाको मृत्यु
मोरङ — एम्बुलेन्सको ठक्करबाट घाइते एक महिलाको विराटनगरस्थित नोबेल अस्पतालमा उपचारको क्रममा शुक्रबार राति मृत्यु भएको छ । सुनसरीको दुहबी नगरपालिका–८ की ६५ वर्षीया जगबत्तीदेवी चौधरीको मृत्यु भएको हो ।
प्रदेश१–०२–००२च ३८४८ नम्बरको एम्बुलेन्सले मंगलबार पैदल यात्री चौधरीलाई कोसी राजमार्गस्थित सोनापुरमा ठक्कर दिएको थियो ।
ठक्करले घाइते उनको उपचारका क्रममा मृत्यु भएको नोबेल अस्पतालका नारायण दाहालले बताए । एम्बुलेन्स र चालक पाँचथरको तुम्बेवाका चन्द्र राईलाई नियन्त्रणमा लिई कारबाही प्रक्रिया अगाडि बढाएको इलाका प्रहरी दुहबीले जनाएको छ ।
प्रतिक्रिया
