क्यान्सर अस्पताल उद्घाटन गर्न प्रधानमन्त्री ओली मंगलबार झापा आउँदै

उनी गत आइतवार पनि आफ्नो निर्वाचन क्षेत्रका विकास योजना उद्घाटन र शिलान्यासका लागि झापा आएका थिए । झापास्थित सुरक्षा स्रोतका अनुसार उनी बिहान साढे ११ बजे आइपुग्नेछन् ।

अस्पतालका कार्यकारी प्रमुख दुर्गा प्रसाईले अस्पताल उद्घाटनका लागि प्रधानमन्त्री ओलीसँगै संविधानसभा अध्यक्ष सुवास नेम्वाङ, गृहमन्त्री रामबहादुर थापा, स्वास्थ्यमन्त्री कृष्णगोपाल श्रेष्ठ, पर्यटनमन्त्री भानुभक्त ढकाल र पूर्वमन्त्री महेश बस्नेत आउने जनाए ।