बालिका बलात्कार प्रयास गर्ने पक्राउ
मोरङ — जहदा गाउँपालिका–१ की ११ वर्षीया एक बालिकालाई जबरजस्ती करणी उद्योग (बलात्कार प्रयास) मुद्दाका फरार प्रतिवादी ४५ वर्षीया राजेन्द्र सरबरियालाई प्रहरीले पक्राउ गरेको छ । जहदा–१ का सरबरियालाई सुनसरीको साहेबगञ्जस्थित सीमावर्ती क्षेत्रबाट पक्राउ गरिएको डीएसपी मानबहादुर राईले बताए ।
सरबरियाले बालिकामाथि जबरजस्ती करणी प्रयास गरेको घटना सात दिनपछि सार्वजनिक भएको थियो । घटना गाउँमै मिलापत्र गराउन खोज्ने दुई जनालाई इलाका प्रहरी कार्यालय रानीले नियन्त्रणमा लिएको थियो ।
फागुन ६ मा भएको घटना गाउँमै मिलाउन दवाब दिनेमध्येका स्थानीय पर्शुराम सरवरिया र सानदेव सरवरियालाई खोजेको बखत हाजिर हुने सर्तमा जिम्मा जमानीमा छाडेको इप्रका रानीका प्रमुख इन्सपेक्टर दीपक थापाले बताए । घटनाको सात दिनपछि पीडित परिवारले गत बिहीबार प्रहरीमा जाहेरी दिएका थिए ।
प्रकाशित : फाल्गुन १६, २०७७ १७:२२