दुई लाख घूससहित फार्मेसी अधिकृत पक्राउ
मोरङ — औषधि व्यवस्था विभाग विराटनगर कार्यालयका फार्मेसी अधिकृत सरोज सुवेदीलाई अख्तियार दुरुपयोग अनुसन्धान आयोगको इटहरी इकाइ टोलीले दुई लाख रुपैयाँ घूससहित बिहीबार पक्राउ गरेको छ ।
विराटनगर–३ स्थित एक होटलबाट सुवेदीलाई सेवाग्राहीबाट घूस रकम लिएलगत्तै अख्तियारको टोलीले पक्राउ गरेको हो ।
बन्द भएको फार्मेसी सञ्चालनको अनुमति दिने नाममा सुवेदीले सेवाग्राहीसँग घूस लिएपछि नियन्त्रणमा लिइएको अख्तियारको टोलीले जनाएको छ । सुवेदीलाई थप अनुसन्धानका लागि अख्तियारको इटहरी इकाइ लगिएको मोरङका प्रमुख जिल्ला अधिकारी कोषहरि निरौलाले बताए ।
प्रकाशित : फाल्गुन १४, २०७७ ०८:१५प्रतिक्रिया