सरकारी गाडी तोडफोड गरेको भन्दै मोरङमा दाहाल-नेपाल समूहका ६ जना पक्राउ- प्रदेश १ - कान्तिपुर समाचार

सरकारी गाडी तोडफोड गरेको भन्दै मोरङमा दाहाल-नेपाल समूहका ६ जना पक्राउ

कान्तिपुर संवाददाता

काठमाडौँ — आमहड्तालमा उत्रिएका नेकपा दाहाल-नेपाल समूह मोरङ संघर्ष समिति सह-संयोजक पारुल क्षेत्रीसहित ६ जनालाई प्रहरीले नियन्त्रणमा लिएको छ ।

सरकारी गाडी तोडफोड र बन्द गराउँदै हिँडिरहेको अवस्थामा क्षेत्रीसहित संगम चौधरी, शारदा मैनाली, मिरा दाहाल पोखरेललगायतलाई विराटनगरस्थित तीनपैनी चोकबाट प्रहरीले पक्राउ गरेको हो ।

बा १ झ ९११८ नम्बरको सरकारी गाडीमा ढुंगा प्रहार गरी तोडफोड गरेको आरोपमा उनीहरुलाई पक्राउ गरिएको मोरङ प्रहरीका डीएसपी मानबहादुर राईले बताए ।

प्रकाशित : माघ २२, २०७७ १३:०१
प्रतिक्रिया
पठाउनुहोस्

सुर्खेतमा ओली पक्षको मोटरसाइकल र्‍याली

प्रदर्शनमा उत्रिएका दाहाल–नेपाल समूहका कार्यकर्ताले स्थानीयलाई कुटपिट गरे
चाँदनी कठायत

वीरेन्द्रनगर — सुर्खेतमा आम हड्तालको प्रतिकार गर्दै नेकपा ओली पक्षधर भातृ संगठन अनेरास्ववियुले मोटरसाइकल जुलुस निकालेको छ ।

दाहाल–नेपाल पक्षले बिहीबार हड्ताल गरिरहेको बेला अनेरास्ववियु सुर्खेतले बन्द नभएको भन्दै र्‍याली निकालेर बजार परिक्रमा गरेको अध्यक्ष धुपेन्द्र शाहीले जानकारी दिए ।

युवाहरुले ‘बन्द गर्न पाईँदैन’,‘विद्यार्थीलाई पढ्न देऊ’, ‘व्यापारीलाई व्यापार गर्न देऊ’लगायतका नारा लगाउँदै बजार परिक्रमा गरेका हुन् ।

यसैबीच, हड्तालमा उत्रिएका दाहाल–नेपाल समूहका युवाहरुले सुर्खेतमा स्थानीयलाई कुटपिट गरेका छन् । शान्तिपूर्ण आन्दोलन गरिरहेको भनेतापनि युवा समूह भने उग्र बन्दै गएका हुन् । आन्दोलनमा सहभागीले बिहान मोटरसाइकल चलाइरहेका मानिसलाई तानेर कुटपिट गरेका छन् । बुलबुले गेटनजिकै युवाले पूर्वतिरबाट मोटरसाइकल चलाएर आएका युवालाई कुटपिट गरेका हुन् । दैलेखको भैरवी गाउँपालिका–१ का जोरासिंह विष्टलाई युवाहरुले मोटरसाइकलबाट झारेर सामूहिक रूपमा कुटपिट गरेका हुन् ।

जिल्ला प्रहरी कार्यालय सुर्खेतले भने अहिलेसम्म कुनै अप्रिय घटना नभएको बताएको छ । कार्यालयका डीएसपी रामप्रसाद घर्तीले जिल्लाभर सुरक्षा व्यवस्था कडा पारिएको भन्दै अवस्था सामान्य रहेको जानकारी दिए ।

प्रकाशित : माघ २२, २०७७ १२:४१
पूरा पढ्नुहोस्
प्रतिक्रिया
पठाउनुहोस्
×