सुनसरीमा सवारी दुर्घटनामा ३ जनाको मृत्यु- प्रदेश १ - कान्तिपुर समाचार

सुनसरीमा सवारी दुर्घटनामा ३ जनाको मृत्यु

प्रदीप मेन्याङ्बो

सुनसरी — सुनसरीको इनरुवा–दुहबी सडक खण्डमा मंगलबार मध्याह्न साढे १२ बजे भएको सवारी दुर्घटनामा ३ जनाको मृत्यु भएको छ  । १० जना घाइते भएका छन् ।

इनरुवास्थित ट्राफिक प्रहरी कार्यालयका प्रहरी सहायक निरीक्षक गोपाल श्रेष्ठका अनुसार इनरुवाबाट गएको मोटरसाइकल दुहबीबाट आएको मोइक्रोबस एकापसमा ठोक्किँदा तीन जनाको घटनास्थलमै मृत्यु भएको हो । घाइतेहरुको दुहबीस्थित जीवन ज्योति मेडिकल हलमा उपचार भइरहेको प्रहरीले जनाएको छ । उनीहरुको अवस्था सामान्य रहेको छ ।

मृतकहरुमा मोटरसाइकल चालक इनरुवा– ३ बस्ने ४४ वर्षीय बिर्ख मण्डल, माइक्रोबसका सहचालक राजविराज– १ सप्तरीका २१ वर्षीय शंकर यादव र इनरुवा–२ बस्ने २५ वर्षीया काजल मेहता रहेका छन् ।

ट्राफिक प्रहरीले दिएको जानकारी अनुसार दुहबी–इनरुवा सडकखण्डको कल्भर्ट नजिकै इनरुवाबाट जाँदै गरेको को ३४ प ४६९४ नम्बरको मोटरसाइकल र दुहबीबाट इनरुवातर्फ आउँदै गरेको प्र १–०२–००१ ज ३८६८ नम्बरको माइक्रोबस ठोक्किँदा दुर्घट्ना भएको थियो । घटनास्थलमा पुगेका प्रसनी श्रेष्ठले भने, ‘साँघुरो सडकमा इनरुवाबाट दुईवटा मोटरसाइकल गइरहेको बेला कल्भर्ट नजिकै पुग्दा माइक्रोबससँग ठोकिएको प्रारम्भिक अनुसन्धानमा खुलेको छ ।’ माइक्रोबस सडकमा पल्टिएको अवस्था हेर्दा दुवै सवारी साधनले नियन्त्रण गुमाएको हुनसक्ने अनुमान गरिएको छ ।

प्रकाशित : माघ ६, २०७७ १८:५१
प्रतिक्रिया
पठाउनुहोस्

परम्परा तोडेर दिल्लीले दिएको सन्देश

ओली सरकार शक्तिशाली रहुन्जेल वार्तामा नआएको नयाँ दिल्ली प्रतिनिधिसभा विघटन, नेकपा विभाजन, ओली सरकार कामचलाउ भएपछि मात्रै यसका लागि तयार हुनु संयोग मात्रै थिएन ।
गेजा शर्मा वाग्ले

काठमाडौँ — नेपाल र भारत दुवैले नयाँ नक्सा प्रकाशित गरेपछि उत्कर्षमा पुगेको सीमा विवाद समाधान गर्ने उद्देश्यले गत बिहीबार भारत भ्रमणमा गएका परराष्ट्रमन्त्री प्रदीपकुमार ज्ञवाली सामान्य आश्वासन र औसत उपलब्धि हासिल गरी शनिबार स्वदेश फर्किएका छन् ।

यद्यपि ज्ञवालीले सीमा विवाद, प्रबुद्ध व्यक्ति समूह (ईपीजी) प्रतिवेदन, कोभिड खोप, कनेक्टिभिटी, व्यापार तथा लगानीलगायत समग्र विषयमा छलफल भएको फेहरिस्त पेस गर्दै भ्रमण सफल भएको दाबी गरेका छन् । तथापि नयाँ नक्सा, सीमा विवाद र ईपीजी प्रतिवेदनबारे सामान्य छलफल भए पनि नेपाल–भारतबीच विद्यमान सबैभन्दा उच्चस्तरीय संयन्त्र संयुक्त आयोगको बैठकमा ठोस निर्णय र उल्लेखनीय सहमति नभएपछि ज्ञवालीको दाबी स्वतः खण्डित भएको छ ।

प्रतिनिधिसभा विघटनपछि नेपालतर्फको पहिलो उच्चस्तरीय भ्रमणलाई राजनीतिक र कूटनीतिक दुवै दृष्टिले उत्सुकतापूर्वक हेरिएको थियो । तर इन्दिरा गान्धी अन्तर्राष्ट्रिय विमानस्थलमा शरद ऋतुको चिसो स्वागत पाएका ज्ञवालीले अन्तिम घडीसम्म विशेष प्रयास गरे पनि प्रधानमन्त्री नरेन्द्र मोदीसँग भेटवार्ता गर्न नपाउनुले अर्थपूर्ण राजनीतिक सन्देश प्रवाह भएको छ ।

वाग्लेको लेख पढ्न : परम्परा तोडेर दिल्लीले दिएको सन्देश

प्रकाशित : माघ ६, २०७७ १८:०५
पूरा पढ्नुहोस्
प्रतिक्रिया
पठाउनुहोस्
×