चिसो बढेपछि विद्यालय बन्द- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

चिसो बढेपछि विद्यालय बन्द

कान्तिपुर संवाददाता

खोटाङ — चिसोले विद्यार्थी बिरामी पर्न थालेपछि जन्तेढुङ्गा गाउँपालिकामा एक साताका पढाइ बन्द गरिएको छ । 

विद्यार्थीमा निमोनिया, रुघाखोकी र ज्वरोको समस्या देखिन थालेपछि बुधबारदेखि माघ ६ गतेसम्मका लागि कक्षा बन्द गरिएको हो ।

गाउँपालिका अध्यक्ष शंकरबहादुर राईका अनुसार विद्यार्थीको स्वास्थलाई मध्यनजर गर्दै पुस २८ गते बसेको शिक्षा समितिको बैठकले विद्यालय बन्द गर्ने निर्णय गरेको हो ।

पालिकामा ६ वटा माध्यमिक, तीनवटा आधारभूत र २७ प्राथमिक गरी ३६ वटा विद्यालय छन् । यो अवधिमा आन्तरिक लेखा परीक्षण, अन्तिम लेखा परीक्षण, भौतिक निर्माण र कार्यतालिका निर्माणलगायतका प्रशासनिक काम गर्न गाउँपालिकाले सबै विद्यालयलाई पत्रचार गरेको अध्यक्ष राईले सुनाए ।

प्रकाशित : पुस २९, २०७७ १९:०४
प्रतिक्रिया
पठाउनुहोस्

अनेरास्ववियूद्वारा ओलीको कदमविरुद्ध कार्टुन प्रदर्शन 

कान्तिपुर संवाददाता

काठमाडौँ — नेकपा निकट अनेरास्ववियूले प्रधानमन्त्री केपी ओलीको संसद् विघटनको कदमविरुद्ध सडकमा ब्यंग्यात्मक कार्टुन प्रदर्शन गरेको छ । आन्दोलनरत अनेरास्ववियूको दोस्रो चरणको कार्यक्रमअन्तर्गत काठमाडौंको कमलादीस्थित डवलीमा प्रदर्शन गरिएको हो ।

प्रदर्शनमा प्रधानमन्त्रीको असंवैधानिक कदमलाई व्यंग्य गर्दै विभिन्न संचारमाध्यमहरुमा विभिन्न मितिमा प्रकाशित गरिएका कार्टुनहरुलाई संकलन गरी प्रदर्शन गरिएको अनेरास्ववियूका नेता सुरेन्द्र बस्नेतले बताए ।

कार्टुन प्रदर्शन कार्यक्रममा ' प्रतिगमन भारी छ, हाम्रो आन्दोलन जारी छ' , ' संविधान माथि को रैछन् , केपी ओली पो रैछन् ' जस्ता नारा लगाइएको थियो ।

कार्यक्रममा ओली कदम नसच्चिँदासम्म आन्दोलन जारी रहने भन्दै चाँडै तेस्रो चरणको कार्यक्रम सार्वजनिक गरिने अनेरास्ववियूका सहसंयोजक रञ्जित तामाङले बताए ।

प्रकाशित : पुस २९, २०७७ १८:०५
पूरा पढ्नुहोस्
प्रतिक्रिया
पठाउनुहोस्
×