पेस्तोल र गोलीसहित सुनसरीबाट दुई जना पक्राउ

प्रहरीले उनीहरुको साथबाट १० इन्चको मजलमा काठको विंड भएको एकथान कटुवा पेस्तोल र ११ दशमलव ५ इन्च मजल र काठकै विंड भएको एकथान कटुवा पेस्तोल, त्यसमा प्रयोग हुने विएमएमकेएफ लेखिएको पाँच राउण्ड गोली, को ३६ प २३९० नम्बरको र विआर–५०सि ०२४४ नम्बरको मोटरसाइकल र दुई थान मोबाइल बरामद गरेको जनाएको छ ।

जिल्ला प्रहरी कार्यालय सुनसरीका अनुसार भन्टाबारी चोक नजिक कोसी रोयल होटल अगाडि भारतबाट शंकास्पद अवस्थामा आउँदै गरेको २ वटा मोटरसाइकल चालकलाई रोकेर जाँच गर्ने क्रममा उनीहरु पक्राउ परेका हुन् ।

सुनसरीका वरिष्ठ उपरीक्षक कमल थापाकाअनुसार सद्दामले कम्मरको दायाँ र बायाँपट्टी भिरेर लुकाइराखेको अवस्थामा २ थान कटुवा पेस्तोल फेला परेको हो । उनीहरुलाई मुलुकी अपराध (संहिता) ऐन २०७४ को हातहतियार खरखजना सम्बन्धी कसुर अनुसार कानुनी कारबाही गर्न थप अनुसन्धान भइरहेको थापाले बताए । दुईदिनअघि मात्र धरानबाट दुई थान अटोमेटिक पेस्तोलसहित प्रहरीले दुई जनालाई पक्राउ गरेको थियो ।