कटुवा पेस्तोलसहित एक जना पक्राउ
सिरहा — प्रहरीले सिरहाको औरही गाउँपालिका–५ बाट शनिबार कटुवा पेस्तोलसहित एक जनालाई पक्राउ गरेको छ ।
जिल्ला प्रहरी कार्यालय सिरहाका अनुसार औरही गाउँपालिका–५ का २२ वर्षीय रबिन दासलाई कटुवा पेस्तोल र सोमा लाग्ने तीन थान गोलीसहित पक्राउ गरेको हो । औरही गाउँपालिका–५ कै विनोदकुमार यादवलाई पुरानो रिसइबीको कारण दासले कन्चटमा गोली ताकेको भन्दै स्थानीयले प्रहरीमा खबर गरेपछि उनलाई पक्राउ गरिएको हो ।
घटनाबारे अनुसन्धान भइरहेको प्रहरीले जनाएको छ ।
प्रकाशित : मंसिर ६, २०७७ १६:४३प्रतिक्रिया