सेनाद्वारा संखुवासभामा सिलिन्डर बम निष्क्रिय

पाँचखपन नगरपालिका–४ फापुङदेखि वाना हुँदै खाँदबारी निस्कने कच्ची सडक नजिक झाडीमा राखिएको बम खाँदबारीस्थित नेपाली सेनाको बराह दल गुल्मले निष्क्रिय पारेको हो ।

ओहोरदोहोर गर्ने सर्वसाधारणले शंकास्पद बस्तु देखिएपछि प्रहरीलाई खबर गरेका थिए । अज्ञात समूहले सडकमा बेवारिसे अवस्थामा छोडेको बम सेनाले निष्क्रिय पारेको संखुवासभाका प्रमुख जिल्ला अधिकारी जीवनप्रसाद आयार्यले बताए । बम राखेको विषयमा अनुसन्धान भइरहेको छ ।