ताप्लेजुङमा ट्र्याक्टर दुर्घटनामा सहचालकको घटनास्थलमै मृत्यु- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

ताप्लेजुङमा ट्र्याक्टर दुर्घटनामा सहचालकको घटनास्थलमै मृत्यु

 चालकका नाबालक छोरा घाइते, चालक फरार
आनन्द गौतम

ताप्लेजुङ — जिल्लाको मिक्वाखोला गाउँपालिका १ खोक्लिङमा भएको ट्र्याक्टर दुर्घटनामा सहचालक दले गुरुङको मृत्यु भएको छ । चालकका अन्दाजी ६ वर्षीय छोरा किर्जम थापा घाइते भएका छन् । चालक कृष्ण थापा भने फरार रहेको प्रहरी नायव उपरीक्षक महेन्द्रकुमार श्रेष्ठले जानकारी दिए । 

बुधबार दिउँसो ओझागाउँबाट खोक्लिङ आउँदै गरेको लु४त ६५४८ नम्बरको ट्र्याक्टर सल्लेरीस्थित कच्ची सडक खण्डमा दुर्घटना भएको थियो । ट्र्याक्टर अनियन्त्रित भई सडकबाट ५ मिटर तल भिरमा झरेको प्रहरीले जनाएको छ । अस्थायी प्रहरी चौकी खोक्लिङबाट पुगेको प्रहरी र स्थानीयले घाइते बालकलाई उनको आमासँगै उपचारका लागि जिल्ला अस्पताल पठाएको थियो ।

चालकको खोजीमा दोभान इलाका प्रहरी कार्यालयको टोली खटिएको श्रेष्ठले जानकारी दिए ।

प्रकाशित : मंसिर ३, २०७७ १६:१६
प्रतिक्रिया
पठाउनुहोस्

राष्ट्रपतिद्वारा औषधि अध्यादेश जारी, कोरोना विरुद्धको खोप ल्याउन कानुनी सहजता

कान्तिपुर संवाददाता

काठमाडौँ — राष्ट्रपति विद्यादेवी भण्डारीले औषधि अध्यादेश जारी गरेकी छन् । कोरोना भाइरस (कोभिड- १९)को औषधि पत्ता लागेपछि नेपालमा आयातका लागि कानुनी प्रतिकूलता नहोस् भनेर सरकारले अध्यादेश सिफारिस गरेको थियो ।

राष्ट्रपति भण्डारीले 'औषधि (तेस्रो संसोधन) अध्यादेश, २०७७' बुधबार जारी गरेको राष्ट्रपति कार्यालयका सहायक प्रवक्ता केशवप्रसाद घिमिरेले एक विज्ञप्ति जारी गरेर जानकारी दिएका छन् ।

राष्ट्रपति कार्यालयले जारी गरेको अध्यादेशसम्बन्धि विज्ञप्तिमा भनिएको छ, 'आज मिति २०७७ साल मंसिर ३ गते बुधबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा ११४ को उपधारा (१) बमोजिम मन्त्रिपरिषद्को सिफारिसमा देहाय बमोजिमको अध्यादेश जारी गर्नु भएको छ ।'

अध्यादेश जारी भएपछि कोरोनाको खोप आयात गर्नका लागि सहज हुने बताइएको छ ।

संसद् अधिवेशन नभएको अवस्थामा सरकारले तत्काल कानुन जारी गर्नुपर्ने भए अध्यादेश ल्याउने गरेको छ । यसरी जारी भएको अध्यादेश आगामी संसद् अधिवेशनबाट पारित गर्नुपर्ने संवैधानिक व्यवस्था छ ।

प्रकाशित : मंसिर ३, २०७७ १६:१२
पूरा पढ्नुहोस्
प्रतिक्रिया
पठाउनुहोस्
×