नोबेल अस्पतालमा कोरोना संक्रमितको मृत्यु- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

नोबेल अस्पतालमा कोरोना संक्रमितको मृत्यु

देवनारायण शाह

मोरङ — विराटनगरस्थित नोबेल अस्पतालमा आइतबार विराटनगर महानगरपालिकाका एक जना कोरोना संक्रमितको मृत्यु भएको छ ।

विराटनगर–७ का ८६ वर्षीय वृद्धको मृत्यु भएको हो । क्यान्सर रोगले पीडित उनलाई कोरोना संक्रमण भएपछि असोज २५ उपचारका लागि भर्ना गरिएको तर उपचारकै क्रममा मृत्यु भएको नोबेल अस्पतालका प्रबन्धक नारायण दाहालले बताए । प्रदेश १ मा कोरोना संक्रमणले मृत्यु हुनेको संख्या १ सय ३२ पुगेको छ ।

प्रकाशित : कार्तिक २, २०७७ १२:२१
प्रतिक्रिया
पठाउनुहोस्

नुवाकोटमा पहिलो पटक कोरोना संक्रमितको मृत्यु

कृष्ण थापा

नुवाकोट — जिल्लामा पहिलो पटक कोरोना संक्रमणबाट एक महिलाको मृत्यु भएको छ । शिवपुरी गाउँपालिका–४ सिरेनीकी ६१ वर्षीया वृद्धाको कोरोना संक्रमणबाट ज्यान गएको जिल्ला स्वास्थ्य कार्यालय प्रमुख सागरप्रसाद घिमिरेले बताए।

उनी काठमाडौंको एक अस्पतालमा उपचारपछि बिहीबार घर फर्किएर होम आइसोलेसनमा बसेकी थिइन् । शुक्रबार कोरोना परीक्षणको रिपोर्ट पाजिटिभ आएको थियो । उनको शनिबार दिउँसो मृत्यु भएको थियो ।

उनको शव शिवपुरीगाउँगालिकाले तोकिएको स्थानमा नेपाली सेना जबरजंग गणले शनिबार राति नै व्यवस्थापन गरेको छ । महिला क्यान्सर र दम रोगी थिइन् । उनको घर सदुरमुकाम विदुरबाट ५८ किमी पूर्वी भेगमा रहेको छ ।

प्रकाशित : कार्तिक २, २०७७ १२:१४
पूरा पढ्नुहोस्
प्रतिक्रिया
पठाउनुहोस्
×