नातिको कुटाइबाट घाइते भएका वृद्धको मृत्यु- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

नातिको कुटाइबाट घाइते भएका वृद्धको मृत्यु

रमेशचन्द्र अधिकारी

धनकुटा — धनकुटामा नातिको कुटाइबाट घाइते भएका ९० वर्षीय वृद्धको शुक्रबार मृत्यु भएको छ । 

सहिदभूमि गाउँपालिका १ कोलबोटेका २७ वर्षीय नाति अबिनाश राईको कुटाइबाट घाइते भएका हजुरबुवा फत्तबहादुर राईको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा शुक्रबार मृत्यु भएको हो ।

धनकुटाका प्रहरी प्रमुख एसपी गोविन्द अधिकारीका अनुसार मादक पदार्थ सेवन गरेका अबिनाशले सोमबार हजुरबुवालाई कुटपिट गरेका थिए । अनुहार र शरीरका विभिन्न भागमा चोट लागेका वृद्धको आफन्तजनले उपचारका लागि धरान लगेका थिए । उनको मृत्यु भएपछि छिन्ताङस्थित इलाका प्रहरी कार्यालयले कुटपिटमा सम्लग्न अबिनाशलाई शुक्रबार नै नियन्त्रणमा लिएको जनाएको छ । घटनाबारे थप अनुसन्धान जारी राखिने एसपी अधिकारीले बताए ।

प्रकाशित : आश्विन ३०, २०७७ २२:३७
प्रतिक्रिया
पठाउनुहोस्

बजारमा होन्डा सीबीआर ६०० आरआर

कान्तिपुर संवाददाता

काठमाडौँ — चार सिलिन्डर लिक्विड कुल इन्जिन रहेको सीबीआर ६०० आरआरमा ५९९ सीसीको इन्जिन क्षमता छ ।

नेपालका लागि होन्डा मोटरसाइकल तथा गाडीको आधिकारिक बिक्रेता स्याकार ट्रेडिङ कम्पनीले ‘होन्डा सीबीआर ६०० आरआर’ मोटरसाइकल नेपाली बजारमा भित्र्याएको छ ।

६६ एनएम टर्क र १२० हर्सपावर रहेको यो मोटरसाइकललाई जेरोबाट सय किमि प्रतिघण्टा पुग्न ३.१ सेकेन्ड मात्र लाग्ने कम्पनीले बताएको छ ।

६ स्पिड गियरबक्स गरेको मोटरसाइकलको टप स्पिड २५० किमि प्रतिघण्टा छ । मोटरसाइलको मूल्य ३४ लाख ५० हजार रुपैयाँ निधारण गरिएको कम्पनीले जानकारी दिएको छ ।

प्रकाशित : आश्विन ३०, २०७७ २२:११
पूरा पढ्नुहोस्
प्रतिक्रिया
पठाउनुहोस्
×