सुनसरीमा चाडपर्व लक्षित भीडभाड रोक्न निषेधाज्ञा जारी- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

सुनसरीमा चाडपर्व लक्षित भीडभाड रोक्न निषेधाज्ञा जारी

प्रदीप मेन्याङ्बो

सुनसरी — जिल्ला प्रशासन कार्यालय सुनसरीले नजिकिँदा दसैं, तिहार, छठ, चासोक तङ्नामजस्ता चाडपर्वमा हुने भीडभाडलाई लक्षित गरेर निषेधाज्ञा जारी गरेको छ ।

जिल्ला प्रशासन कार्यालयले बढ्दो कोरोना महामारीको सन्दर्भमा शुक्रबार निषेधाज्ञा जारी गरेको सूचना सार्वजनिक गरेको हो । जिल्ला प्रशासन कार्यालयले स्थानीय प्रशासन ऐन २०२८ र संक्रामक रोग ऐन २०२० अनुसार निषेधाज्ञा जारी गरेको हो ।

सुनसरीमा चाडपर्वको सन्दर्भमा निषेधाज्ञा जारी गरेको विषयमा प्रमुख जिल्ला अधिकारी फणिन्द्रमणि पोखरेलले भने, ‘कोरोना संक्रमणको फैलने दर र मृत्यु दर बढेको र जोखिम अझै रहिरहेकोले चाडपर्व लक्षित निषेधाज्ञा जारी गर्नुपरेको हो ।’ चाडपर्व नजिकिएसँगै मानिसहरु यसै बेला आफ्नो मनोकांक्षा भाकल पूरा गर्न विभिन्न शक्तिपिठ र मठमन्दिरहरुमा पूजाअर्चनाका लागि जाने गरेका छन् ।

जिल्ला प्रशासन कार्यालयले त्यस्ता भीडभाडलाई रोकेर कम्तीमा कोरोना फैलन नदिन निषेधाज्ञा जारी गरिएको प्रमुख जिल्ला अधिकारी पोखरेलले बताए । उनका अुनसार मन्दिरमा नित्य पूजा गर्ने एक जना पुजारीबाहेक अन्यलाई प्रवेशमा रोक लगाइएको छ । चाडपर्वमा हुने सामूहिक भजनकिर्तन, मस्जिदमा भेला, गुम्बामा भेला, चर्चमा भेला, शुभकामना आदनप्रदान कार्यक्रम, उद्घाटन र सिलन्यास, राजनीतिक दलका कार्यक्रमहरुमा पनि रोक लगाएको छ ।’

प्रकाशित : आश्विन ३०, २०७७ १५:०३
प्रतिक्रिया
पठाउनुहोस्

भैरहवामा उपचाररत पाल्पाका ३३ वर्षीय कोरोना संक्रमितको मृत्यु

माधव ढुंगाना

भैरहवा — पाल्पाका एक जना कोरोना संक्रमितको भैरहवामा उपचारका क्रममा मृत्युु भएको छ । तानसेन नगरपालिका-७ बर्तुङका ३३ वर्षीय पुरुषको उपचारका क्रममा शुक्रबार भैरहवास्थित युनिभर्सल शिक्षण अस्पतालमा मृत्यु भएको हो । 

मिर्गौलामा समस्या देखिएपछि अस्पतालमा डायलिसस गराइरहेका पाल्पाका ती पुरुष मंगलबार अस्पताल भर्ना भएका थिए । पीसीआर परीक्षण गर्दा उनमा बुधबार कोरोना संक्रमण पुष्टि भएको अस्पतालका सूचना अधिकृत सुशील गुरुङले बताए ।

यसैगरी केही साता अघिदेखि कोरोना सक्रमण भई अस्पतालमा उपचार गराइरहेका धनुषाको धनौजी गाउँपालिकाका ३० वर्षीय युवकको पनि उपचारका क्रममा शुक्रबार मृत्यु भएको छ । पछिल्लो पटक गरिएको पीसीआर परीक्षणमा कोरोना नेगेटिभ देखिए पनि उनमा छातीमा समस्या देखिएको सूचना अधिकृत सुशील गुरुङले जानकारी दिए । उनी भैरहवास्थित एक सिमेन्ट उद्योगमा कार्यरत कर्मचारी हुन् ।

कोभिड संक्रमण भएपछि उनी केही दिन भैरहवाको भीम अस्पतालमा उपचाररत थिए । गत असोज १४ गते थप उपचारका लागि उनलाई युनिभर्सल शिक्षण अस्पताल लगिएको थियो । गत आइतबार उनको कोभिड जाँच गर्दा नेगेटिभ आए पनि छातीको उपचारकै क्रममा मृत्यु भएको अस्पतालले जानकारी दिएको छ ।

प्रकाशित : आश्विन ३०, २०७७ १४:५८
पूरा पढ्नुहोस्
प्रतिक्रिया
पठाउनुहोस्
×