खोटाङ — मसला पिस्ने ढुंगाले हानेर श्रीमतीको हत्या गरेको आरोपमा रूपाकोट मझुवागढी नगरपालिका–२ सोल्मा तालखर्कका ४२ वर्षीय छत्रबहादुर गिरी शनिबार पक्राउ परेका छन् ।
शुक्रबार बिहान घरायसी विवादपछि कुटपिटबाट ४० वर्षीया श्रीमती ज्ञानकुमारी गिरी घाइते भएकी थिइन् । गिरीको दिक्तेल अस्पतालमा उपचार हुन नसकेपछि थप उपचारका लागि काठमाडौं लैजाँदै गर्दा बाटैमा मृत्यु भएको प्रहरी नायब उपरीक्षक नारायणप्रसाद चिमरियाले बताए ।