ओखलढुंगाका २६ संक्रमित कोरोनामुक्त- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

ओखलढुंगाका २६ संक्रमित कोरोनामुक्त

कान्तिपुर संवाददाता

ओखलढुंगा — कोरोना संक्रमण भइ आइसोलेसनमा रहेका जिल्लाका २६ जनाको कोरोना रिपोर्ट नेगेटिभ आएको छ । कांग्रेसका जिल्ला सभापति प्रदिप सुनुवार, उपसभापति तेजेन्द्र खनाल, जिल्ला समन्वय समितिका प्रमुख जयबहादुर श्रेष्ठसहित २६ जना एकसाथ कोरोना संक्रमण मुक्त भएका छन् ।

दोस्रो पटकको पीसीआर परीक्षणमा उनीहरुको रिपोर्ट नेगेटिभ आएको हो । १८ दिनको आइसोलेसन बसाइपछि उनीहरु आज घर फर्कने भएका छन् । उनीहरुलाई सामुदायिक अस्पताल ओखलढुंगा र जिल्ला अस्पताल रुम्जाटारमा उपचार गरिएको थियो । उनीहरुलाई बिहीबार नै घर पठाउने तयारी भइरहेको सहायक प्रमुख जिल्ला अधिकारी तुलसी भट्टराईले बताए ।

आइसोलेसनमा रहेका सक्रिय संक्रमितमध्येका ४ जनामा भने संक्रमण यथावत् देखिएको छ । उनीहरुको पीसीआर रिपोर्ट पोजिटिभ आएको हो ।

त्यसैगरि ६ जना नयाँ संक्रमित थपिएका छन् । जिल्ला बाहिरबाट आएर क्वारेन्टाइनमा राखिएकामा संक्रमण देखिएको स्वास्थ्य कार्यालयका प्रमुख सुमन तिवारीले बताए । उनका अनुसार उनीहरुलाई आइसोलेसनमा राख्नका लागि व्यवस्थापनको काम भइरहेको छ ।

प्रकाशित : आश्विन ८, २०७७ १३:०२
प्रतिक्रिया
पठाउनुहोस्

लमहीमा जीप दुर्घटना हुँदा ६ जना घाइते

दुर्गालाल केसी

दाङ — घोराही–लमही सडकखण्डमा बिहीबार जीप दुर्घटना हुँदा ६ जना घाइते भएका छन् । कपिलवस्तुबाट सल्यानतर्फ जाँदै गरेको बा ११ च ९५१३ नम्बरको जीप लमही नगरपालिका–६ कुलमोड नजिक सडकबाट करिब ५ सय मिटर तल खस्दा जीपमा सवार ६ जना घाइते भएका हुन् ।

दुर्घटनामा सल्यानस्थित रेडियो मध्यपहाड एफ्एमका स्टेशन म्यानेजर बागचौर नगरपालिका–२ सल्यानका विरेन्द्र डिसी, सोही रेडियोमा कार्यरत बागचौरकै तुलाराम परियार, लेकाली अनलाइनमा कार्यरत खगेन्द्र केसी, उनकी बहिनी १५ वर्षीया नोखी केसी, तुलसीपुर उपमहानगरपालिका–५ दाङका प्रकाश वली र चालक सल्यान छत्रेश्वरी गाउँपालिका–३ का सन्तोष बुढाथोकी घाइते भएका छन् ।

घाइतेहरुको लमहीस्थित फ्लोरेन्स अस्पताल र लमही अस्पतालमा उपचार भइरहेको छ । घुम्तीमा नियन्त्रण गुमाउँदा जीप पल्टिएको प्रहरीले बताएको छ ।

प्रकाशित : आश्विन ८, २०७७ १२:५६
पूरा पढ्नुहोस्
प्रतिक्रिया
पठाउनुहोस्
×