२७.१२°C काठमाडौं
धनकुटामा घर भत्किँदा बालिकाको मृत्यु
धनकुटा — अविरल वर्षाका कारण गएको पहिरोले घर भत्काउँदा एक बालिकाको मृत्यु भएको छ । धनकुटाको महालक्ष्मी नगरपालिका–९ सिरिसेका धनबहादुर लिम्बुको घर भत्किँदा उनकी ७ वर्षीया छोरीको मृत्यु भएको प्रहरीले जनाएको छ ।
धनबहादुर घाइते भएका छन् । महालक्ष्मी–४ मा स्थानीय फत्तबहादुर पौडेलको गोठ भत्किँदा २५ वटा गाईबाख्रा मरेका छन् ।
घटनास्थलमा चानुवा प्रहरी चौकीबाट उद्धार टोली परिचालन गरिएको जिल्ला प्रहरी प्रमुख गोविन्द अधिकारीले जानकारी दिए ।
प्रकाशित : आश्विन ७, २०७७ १९:११प्रतिक्रिया
