कान्तिपुरकर्मी घिमिरे पुरस्कृत- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

कान्तिपुरकर्मी घिमिरे पुरस्कृत

कान्तिपुर संवाददाता

मोरङ — नेपाल प्रेस युनियन मोरङले कान्तिपुर दैनिक प्रदेश १ ब्युरो प्रमुख माधव घिमिरेसहित दुई जना पत्रकारलाई शैलजा आचार्य पत्रकारिता पुरस्कारबाट शनिबार पुरस्कृत गरेको छ ।

युनियनले कोरोना महामारीका कारण भर्चुअल कार्यक्रम गरी कान्तिपुरकर्मी घिमिरे र न्युज २४ टेलिभिजनकी पत्रकार तारा आचार्यलाई नगद १५/१५ हजार राशिको पुरस्कार प्रदान गरेको हो ।

पुरस्कार राशि अनलाइन बैंककिङ प्रणालीमार्फत दुबै जनाको बैंक खातामा पठाइएको र सम्मान पत्र युनियनका पदाधिकारीले घरमै लगिदिने युनियनका मोरङ अध्यक्ष कुमार लुइँटेलले बताए ।

युनियनका केन्द्रीय अध्यक्ष बद्री सिग्देलले प्रविधि प्रयोग गरेर पुरस्कार वितरण कार्यक्रम राखिएको र यो विल्कुलै नयाँ प्रयास भएको बताए । कोरोनाका कारण पत्रकारिता क्षेत्र प्रभावित भएकाले र आम पत्रकार मर्कामा परे पनि राज्यले उपेक्षा गरेको उनले बताए ।

प्रकाशित : आश्विन ३, २०७७ २०:१६
प्रतिक्रिया
पठाउनुहोस्

महिला पत्रकारको हत्या भएको आरोप

कान्तिपुर संवाददाता

धनगढी — कैलालीको घोडाघोडी नगरपालिकामा सञ्चालित रेडियो कैलाली एफएममा कार्यरत २४ वर्षीया निर्मला पहराईको परिवारले उनको हत्या गरिएको दाबी गरेको छ । 


फूलबारी सामुदायिक जंगलमा झुन्डिएको अवस्थामा शुक्रबार उनी मृत भेटिएकी थिइन् । उनको आत्महत्या नभई हत्या भएको उनका दाजु विशालले शनिबार पत्रकार सम्मेलनमा दाबी गरे ।

प्रहरीले सोही रेडियोमा कार्यरत पत्रकार ललित जाग्रीलाई अनुसन्धानका लागि पक्राउ गरेको बताएको छ । निर्मला पाँच वर्षदेखि समाचार बाचिका थिइन् । भदौ ३१ गते बिहान ११ बजे घोडाघोडी नगरपालिका–४ जनकपुरस्थित घरबाट निस्किएकी उनी सम्पर्कविहीन थिइन् ।

असोज १ गते परिवारका सदस्यले प्रहरी कार्यालयमा जानकारी गराएपछि खोजी कार्य सुरु भएको थियो । शुक्रबार नै पहराईको शव पोस्टमार्टमका लागि सेती प्रादेशिक अस्पतालमा ल्याइए पनि शनिबारसम्म पोस्टमार्टम भएको छैन ।

प्रकाशित : आश्विन ३, २०७७ २०:०९
पूरा पढ्नुहोस्
प्रतिक्रिया
पठाउनुहोस्
×