धनकुटामा वर्षात्‌ले ३ घर भत्किए - प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

धनकुटामा वर्षात्‌ले ३ घर भत्किए 

रमेशचन्द्र अधिकारी

धनकुटा — लगातारको वर्षात्‌का कारण धनकुटामा ३ घरमा क्षति भएको छ । धनकुटा नगरपालिका १ निगालेका नीरबहादुर ठकुरी र वडा नं।२ भीरगाउँका पृथसिंह दाहाल र धनकुटा ८ मा एक घर भत्किएको प्रहरीले जनाएको छ । लगातारको वर्षात् र केही दिनअघि आएको पराकम्पनको समेत प्रभावले ती घरमा क्षति पुगेको जिल्ला प्रहरी प्रमुख गोविन्द अधिकारीले जानकारी दिए ।

सुरक्षाकर्मी तथा स्थानीय उद्वारमा खटिएका थिए ।

पछिल्लो दुई सातादेखि जिल्लामा वर्षात्‌का कारण अधिकांश ग्रामीण सडकमा क्षति पुगेका छन् । प्रभावित परिवारलाई रेडक्रसले राहत सामग्री वितरण गरेको छ ।

प्रकाशित : आश्विन ३, २०७७ १९:१७
प्रतिक्रिया
पठाउनुहोस्

मुगुका खाद्य डिपो तीन महिनादेखि रित्तै

राजबहादुर शाही

मुगु — मुगुका सबै खाद्य डिपो रित्तिएको ३ महिना बित्दासमेत खाद्य व्यवस्था तथा व्यापार कम्पनी लिमिटेडले खाद्यान्न ढुवानी गरेको छैन ।

खाद्यान्न ढुवानी नहुँदा स्थानीयबासी बजारको महँगो चामल ढुवानी गरी छाक टार्न बाध्य छन् ।

चामल ढुवानी नभएपछि गत असारदेखि सोरुकोट, श्रीकोट, पूलु, कालै र रातापानी खाद्य डिपो रित्तिएका हुन् । कम्पनीको शाखा कार्यालय गमगढीमा आपतकालीन अवस्थाका लागि ५ सय क्विन्टल खाद्यान्न मौज्दात राखिएको छ ।

चालु आर्थिक वर्षको खाद्यान्नको कोटा स्वीकृत नहुँदा खाद्य गोदाम रित्तिएका हुन् । भदौ पहिलो साता बसेको जिल्ला खाद्य सुरक्षा समितिको वैठकले तत्काल ६ हजार क्विन्टल खाद्यान्न माग गरेको थियो ।

कोटा स्वीकृतिमा ढिलाइ हुँदा खाद्यान्न ढुवानीको टेन्डर हुन नसकेको कम्पनीका सूचना अधिकारी पुष्कर भामले बताए । उनका अनुसार मुगुमा खाद्यान्न ढुवानीका लागि सुर्खेतबाट खड्का निर्माण सेवा र बर्दियाको राजापुरबाट वराल ढुवानी सेवाले ठेक्का सम्झौता गरेका छन् ।

खाद्य डिपोमा ५२ रुपैयाँ प्रतिकिलो पाइने चामल पनि बजारमा ८० रुपैयाँमा किन्नुपरेको स्थानीय कमल शाहीले गुनासो गरे ।

प्रकाशित : आश्विन ३, २०७७ १८:४१
पूरा पढ्नुहोस्
प्रतिक्रिया
पठाउनुहोस्
×