संखुवासभामा मंगलबार रातिदेखि १० दिन लकडाउन

उनका अनुसार लकडाउनमा बजार पूर्ण रुपमा बन्द गरिने छ । अत्यावश्यकबाहेक हिडँडुल र सवारी साधन सञ्चालन गर्न पनि बन्द गरिएको छ ।

सरकारी कार्यालय, सार्वजनिक संस्थाहरु सकभर विद्युतीय माध्यमबाट गर्न प्रशासनले आग्रह गरेको छ । साप्ताहिक हाटबजार पनि पूर्णरुपमा बन्द गरिएको छ । संखुवासभामा मंगलबार थप ३ जनामा कोरोना संक्रमण देखिएपछि कोभिड १९ संकट व्यवस्थापन समितिले यस्तो निर्णय गरेको हो । स्वास्थ्य कार्यालयका निमित्त प्रमुख रोशन श्रेष्ठका अनुसार पिलुवा क्वारेन्टाइनमा बसेका ३ जनाको स्वाब परीक्षणमा कोरोना पोजिटिभ देखिएको हो । उनीहरुमध्ये २ जना वैदेशिक रोजगारीबाट विदेशबाट फर्किएका थिए । एकजना विराटनगरबाट फर्किएकोमा कोरोना पोजिटिभ देखिएको स्वास्थ्य कार्यालयले जनाएको छ । उनीहरुको स्वास्थ्य अवश्था सामान्य छ ।