बीपी प्रतिष्ठानमा तालाबन्दी गर्न जाँदा कांग्रेस कार्यकर्ता र प्रहरीबीच झडप- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

बीपी प्रतिष्ठानमा तालाबन्दी गर्न जाँदा कांग्रेस कार्यकर्ता र प्रहरीबीच झडप

प्रदीप मेन्याङ्बो

सुनसरी — बीपी कोइराला स्वास्थ्य विज्ञान प्रतिष्ठानभित्र बुधबार प्रहरी र कांग्रेस तथा नेविसंघका नेता कार्यकर्ताबीच झडप भएको छ ।

तरुण दल र नेविसंघका कार्यकर्ताले उपकलपति प्राडा ज्ञानेन्द्र गिरीको कार्यकक्षमा मंगलबार लगाएको तालाबन्दी प्रहरीले खोलेपछि बुधबार तालाबन्दी गर्न गएपछि प्रहरीसँग झडप हुँदा केही बेर तनाव ग्रस्त भएको थियो ।

कांग्रेस कार्यकर्ताहरुले कोरोना महामारीको बेला प्रतिष्ठानका पदाधिकारीहरुले संक्रमित उपचारमा गैरजिम्मेवार बनेको र पदाधिकारीहरु ४४ औं सिनेट बैठक बस्‍न काठमाडौं गएको भन्दै तालाबन्दी गर्न गएका थिए ।

प्रहरीले मुख्य प्रवेशद्वार मै रोक्न खोज्दा झडप भएको थियो । प्रहरीले अस्पतालजस्तो संवेदनशील क्षेत्रमा कोरोना महामारीको बेला प्रवेश नगर्न आग्रह गरेपनि उनीहरु जबरजस्ती नाराजुलुस लगाउँदै प्रतिष्ठानभित्र प्रवेश गरेका थिए । तर तालाबन्दी गर्न नदिएपछि उपकुपति परिसरमा कोणसभा गरेर फर्किएका थिए ।

आफूहरुले बिहीबार लगाएको तालाबन्दी प्रहरीले तोडेपछि फेरि लगाउन जाँदा प्रहरीले रोकेको कारण विरोधसभा गरेर फर्किएको तरुण दलका धरान नगर अध्यक्ष हिमाल श्रेष्ठले बताए । उनले कुलपति गिरीको गैरजिम्मेवारी रवैयाले धरानवासीहरुले उपचार सेवा पाउनबाट वञ्‍चित हुनुपरेको आरोप लगाए ।

उनले भने, ‘अहिले पनि धरानका संक्रमितहरु घरमा नै बस्‍न बाध्य भएका छन् । साढे ३ महिनाअघि कोभिड-१९ अस्पताल उद्घाटन गरेपनि सञ्‍चालन गर्न नसकेपछि दबाब दिन आएपनि प्रहरीले रोक्यो ।’

प्रकाशित : श्रावण २८, २०७७ १८:५९
प्रतिक्रिया
पठाउनुहोस्

मुगुमा जिप दुर्घटना, १ जनाको मुत्यु, १० घाइते

राजबहादुर शाही

काठमाडौँ — जिल्ला सदरमुकाम गमगढीदेखि सोरु गाउँपालिकाको तारापानी बजारतर्फ जाँदै गरेको क १ ज ३२ नम्बरको बोलेर जिप निगाले गाउँको खोलामा दुर्घटना हुँदा १ जनाको मृत्यु भएको छ । १० जना घाइते भएका छन् ।  

जिप बुधबार दिउँसो करिब ४ बजे दुर्घटना भएको हो । विपरीत दिशाबाट आएको मोटरसाइकल जोगाउन खोज्दा चिप्लिएर दुर्घटना भएको प्रहरीको प्रारम्भिक अनुमान छ । मृतकको नाम खुल्न सकेको छैन ।

घटनाबारे अनुसन्धान भइरहेको जिल्ला प्रहरी कार्यालयका प्रहरी नायव उपरिक्षक भुवनेश्वरप्रसाद साहले बताए । घाइते हुनेहरुमा सोरु गाउँपालिका–७ का रुपलाल बुढा, वडा नं–८ सिह रावल, बिर्सना रावल, खेमराज रावल, वडा नं–५ का सुरेश शाही, राजबहादुर शाही, वडा नं–९ का रगु बिटालु, भक्त बिटालु, वडा नं ३ का कमलराज बुमी र जिप चालक खेमराज हमाल छन् ।

चिकित्सकका अनुसार घाइतेमध्ये २ जनाको अवस्था गम्भीर छ । घाइतेहरुको जिल्ला अस्पताल ठिनीमा उपचार भइरहेको डा मिना चौलागाईंले बताइन् ।

प्रकाशित : श्रावण २८, २०७७ १८:५७
पूरा पढ्नुहोस्
प्रतिक्रिया
पठाउनुहोस्
×