दुई सहायक वन अधिकृतसहित ६ जना वन कर्मचारी घूससहित पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

दुई सहायक वन अधिकृतसहित ६ जना वन कर्मचारी घूससहित पक्राउ

डिल्लीराम खतिवडा

उदयपुर — उदयपुरका २ सहायक वन अधिकृतसहित ६ जना वन कर्मचारी घूससहित पक्राउ परेका छन् ।

सेवाग्राहीबाट १७ हजार रुपैयाँ घूस लिइरहेको अवस्था उनीहरुलाई अख्तियार दुरुपयोग अनुसन्धान आयोगको इटहरीस्थित कार्यालयले नियन्त्रणमा लिएको हो । सव–डिभिजन वन कार्यालय मैनामैनीका प्रमुख एवं सहायक वन अधिकृत शिवनारायण यादवसहितले सेवाग्राहीसँग घूस माग गरेको उजूरी परेको थियो ।

पक्राउ पर्नेहरुमा सहायक वन अधिकृत यादव, सव–डिभिजन वन कार्यालय लालबजार रामपुरका सहायक वन अधिकृत विनोदकुमार साह, फरेष्टर रमेश राई, सव–डिभिजन वन कार्यालय मैनामैनीका फरेष्टर विशेश्वर चौधरी, वन रक्षकद्वय शैलेन्द्र झा र मनोज कुमार राउत छन् ।

वन कर्मचारीले सप्तकोसी नदीले बगाएर ल्याएको काठ निकालेर चिरेको आरोपमा बेलका नगरपालिका– ३ चिलिया टप्पुका एक स्थानीयसँग १७ हजार रुपैयाँ घूस लिएको आरोप छ ।

प्रकाशित : श्रावण २८, २०७७ १५:२१
प्रतिक्रिया
पठाउनुहोस्

धरानमा भदौ ३ गतेसम्म लकडाउन

प्रदीप मेन्याङ्बो

सुनसरी — धरान उपमहानगरपालिकाले धरानमा भदौ ३ गतेसम्म लकडाउन गर्ने निर्णय गरेको छ । कोरोना संक्रमितको संख्या बढ्दै गएपछि कार्यपालिकाको बैठकले  भदौ ३ गतेसम्म लकडाउन गर्ने निर्णय गरेको हो ।

यसअघि लकडाउनको समय साउन २८ गते मध्यराति १२ बजे सम्म तोकिएको थियो । लकडाउनको म्याद सकिन लागेपनि धरानमा गरिएको रेण्डम मास पीसीआर टेस्टिङको नतिजाले लकडाउन फेरि बढाउनु पर्ने अवस्था आएको कार्यपालिका सदस्य एवं वडा नं १७ का अध्यक्ष मनोज भट्टाराईले बताए ।

कार्यपालिका बैठकले धरान बाहिरका नाकाबाट ल्याइने फलफुल तरकारी, दुधलाई रोक्ने निर्णय गरेको छ । वडाध्यक्ष भट्टराईकाअनुसार धरानभित्रै आन्तरिकरुपमा उत्पादित फलफुल तरकारी, खाद्यान्नलाई भने सहजीकरण गर्ने निर्णय भएको छ ।

यसैबीच चारदिन अघि धरान १५ वडा कार्यालयमा रेण्डम मास टेस्टिङमा २ सय ६६ जनाको स्वाब संकलन गरिएका मध्ये नेकपा धनकुटाबाट प्रदेशसभामा समानुपातिक सांसद र उनका श्रीमानसहित धरानका ८ जनाको पिसिआर नतिजा कोरोना पोजेटिभ आएको छ । रिपोर्ट बुधबार विहानमात्र आएको हो ।

धरान उपमहानगरपालिकाका स्वास्थ्य महाशाखा प्रमुख उमेश मेहताकाअनुसार ती मध्ये धरानका ६ जना छन् ।

प्रकाशित : श्रावण २८, २०७७ १५:०१
पूरा पढ्नुहोस्
प्रतिक्रिया
पठाउनुहोस्
×