उदयपुरमा मालपोतका ६ कर्मचारीसहित थप १५ जनामा कोरोना- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

उदयपुरमा मालपोतका ६ कर्मचारीसहित थप १५ जनामा कोरोना

डिल्लीराम खतिवडा

उदयपुर — मालपोत कार्यालयका ६ कर्मचारीसहित उदयपुरमा मंगलबार थप १५ जनामा कोरोना संक्रमण पुष्टि भएको छ । मालपोत कार्यालयमा साउन १६ गते एक कर्मचारीमा संक्रमण देखिएको थियो ।

तिनै व्यक्तिको कन्ट्याक्ट ट्रेसिङका आधारमा गरिएको परीक्षणमा थप ६ कर्मचारी संक्रमित पाइएका हुन् । ती व्यक्तिका पत्नी आमालाई पनि कोरोना पुष्टि भएको छ ।

थपिएका अन्य सात संक्रमित भने बेलका नगरपालिकका रहेको जिल्ला स्वस्थ्य कायालयका प्रमुख मोहन सुवेदीले बताए । ‘कोसी अस्पताल विराटनगरको प्रयोगशालामा गरिएको परीक्षणबाट ६ कर्मचारी र पहिले संक्रमित कर्मचारीका आमा र श्रीमतीमा कोरोना संक्रमण देखिएको हो,’ उनले भने, ‘त्यसै गरी धरानको प्रयोगशालमा गरिएको परीक्षणमा बेलका नगरपालिकाका ३ महिलासहित ७ जनाको रिपोर्ट पोजिटिभ देखिएको छ ।’

कर्मचारीमा कोरोना पुष्टि भएसँगै मालपोत कार्यालयका सम्पूर्ण सेवा बन्द गरिएको प्रमुख जिल्ला अधिकारी चक्रपाणि पाण्डेले बताए । जिल्लामा हालसम्म संक्रमितको संख्या १ सय ६ जना पुगेको छ । तीमध्ये सक्रिय संक्रमित १९ छन् ।

प्रकाशित : श्रावण २७, २०७७ १३:०१
प्रतिक्रिया
पठाउनुहोस्

त्रिवि उपकुलपति कार्यालयमा तोडफोड

कान्तिपुर संवाददाता

काठमाडौँ — मंगलबार बिहान त्रिभुवन विश्वविद्यालयका उपकुलपति प्रा.डा. धर्मकान्त बास्कोटाको कार्यालय तोडफोड भएको छ । बिहान १०–१५ जनाको समूहमा आएको युवाहरुको समूहले तोडफोड गरेको विश्वविद्यालयका प्रवक्ता सूर्य अधिकारीले बताए । 

नेविसंघ त्रिवि समितिका नेता हरि आचार्यले नेविसंघका केही नेता–कार्यकर्ता विभिन्न मागहरु राखेर प्रदर्शन गर्ने क्रममा ‘सामान्य तोडफोड’ भएको स्वीकार गरेका छन् ।

प्रवक्ता अधिकारीका अनुसार तोडफोडबाट उपकुलपति कार्यालयको झ्यालका सिसा फुटेको छ । त्यस्तै विद्यार्थी कल्याण निर्देशनालयका निर्देशक चढ्ने एउटा गाडी र कर्मचारी बोक्ने गाडीमा समेत तोडफोड गरिएको छ ।

त्रिभुवन विश्वविद्यालयले कर्मचारी भर्ना, पदाधिकारी नियुक्ति पारदर्शी ढंगले नगरेको भन्दै केही दिनदेखि नेपाल विद्यार्थी संघ(नेविसंघ) र प्रजातान्त्रिक प्राध्यापक संघ आन्दोलन गरिरहेका छन् ।



प्रकाशित : श्रावण २७, २०७७ १२:४२
पूरा पढ्नुहोस्
प्रतिक्रिया
पठाउनुहोस्
×