होटल र निजी अस्पतालमा आइसोलेसन- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

होटल र निजी अस्पतालमा आइसोलेसन

देवनारायण साह

मोरङ — प्रदेश १ सरकारले होटल र निजी अस्पतालमा आइसोलेसन केन्द्र सञ्चालन गर्ने निर्णय गरेको छ । मुख्यमन्त्री शेरधन राईको संयोजकत्वमा आइतबार बसेको कोभिड संकट व्यवस्थापन समितिको बैठकले सुनसरी, मोरङ र झापामा १/१ वटा होटल र निजी अस्पतालमा आइसोलेसन केन्द्र सञ्चालन गर्ने निर्णय गरेको हो ।

यस्तै, लक्षण नदेखिएका संक्रमितलाई राख्न विराटनगर महानगरपालिकास्थित मारवाडी सेवा समाजमा ५०, रंगेली नगरपालिकास्थित जनता क्याम्पसको भवनमा १ सय र सुनसरीको हरिनगर गाउँपालिकास्थित अस्पतालमा ५० र बराहक्षेत्र नगरपालिकास्थित कृष्णदास आश्रममा एक सय शय्याको आइसोलेसन केन्द्र सञ्चालन गरिने भएको छ ।

आइतबारसम्ममा १ सय ८६ जना संक्रमित शय्या अभावमा घरमै बस्न बाध्य भएको सामाजिक विकास मन्त्रालयले जनाएको छ ।

प्रकाशित : श्रावण २५, २०७७ २१:४०
प्रतिक्रिया
पठाउनुहोस्

कोरोना निको भएर विराटनगरकी ९० वर्षीया घर फर्किन्

देवनारायण साह

मोरङ — कोरोना संक्रमित विराटनगर-६ की ९० वर्षीया वृद्धा ११ दिनमै निको भएर बुधबार घर फर्केकी छन् । कोरोना संक्रमण पुष्टि भएपछि उनी साउन १० गते कोसी अस्पतालको कोभिड १९ उपचार केन्द्रमा भर्ना भएकी थिइन् ।


कोसी अस्पतालका प्रमुख मेडिकल सुपरिडेन्टेन्ट डा. चुमनलाल दासले उच्च रक्तचाप, मधुमेह, नसा र पिसाबसम्बन्धी दीर्घ रोगी ९० वर्षीया वृद्धा ११ दिनमै निको भएर घर फर्किएको बताए ।

बुधबार ९० वर्षीया वृद्धासहित बुधबार उपचार केन्द्रबाट २१ जना संक्रमित निको भएर डिस्चार्ज भएका छन् । मोरङका ११, इलामका ६, झाप, तेह्रथुम, सुनसरी र उदयपुरको १/१ जना डिस्चार्ज भएको दासले बताए ।

यस्तै, पूर्वाञ्चल विश्वविद्यालयको गोठगाउँस्थित आइसोलेसन अस्पतालबाट बुधबार ३६ जना डिस्चार्ज भएका छन् । मोरङका १५, झापाका १५, सुनसरीका ५ र धनकुटाको १ जना संक्रमण निको भएपछि डिस्चार्ज भएको उक्त अस्पतालका फोकल पसर्न नविन भट्टराईले बताए ।

प्रकाशित : श्रावण २१, २०७७ २०:५२
पूरा पढ्नुहोस्
प्रतिक्रिया
पठाउनुहोस्
×