धरानमा १० वर्षीय बालकलाई कोरोना

धरान–१५ बाझगरास्थित दशरथ पथमा डेरामा बस्ने ती बालककी आमा धरान उपमहानगरपालिकाकी कर्मचारी हुन् । उपमहानगरका स्वास्थ्य महाशाखा प्रमुख उमेश मेहताका अनुसार आमा र हजुरआमाको रिपोर्ट आउन बाँकी छ । बालकसँग सम्पर्कमा रहेका १७ जनाको ट्रेसिङ भएको उनले बताए ।

‘ती बालकलाई कसरी संक्रमण भयो भन्ने पहिचान हुन सकेको छैन । उनको सम्पर्कमा आएकाहरूको शनिबार स्वाब संकलन गर्नेछौं । शनिबारै वडा १५ मा कार्यरत कर्मचारी र अन्य जोखिममा रहेकासमेत गरी ७० जनाको स्वाब संकलन गरिनेछ,’ उनले भने । संक्रमित बालकका बाबु धरानको एक हार्डवेयर पसलका ट्र्याक्टर चालक हुन् ।