२४.१२°C काठमाडौं
सीमा सुरक्षामा खटिएका सशस्त्रका २ जवानमा कोरोना
काँकडभिट्टा — सीमा नाकामा खटिएका सशस्त्र प्रहरीका २ जवानमा कोरोना देखिएको छ । सीमा सुरक्षा बल काँकडभिट्टामा कार्यरत २ जवानमा मंगलबार कोरोना संक्रमण पुष्टि भएको हो ।
जिल्ला स्वास्थ्य कार्यालय झापाका अनुसार संक्रमितहरु २१ र ३० वर्षका प्रहरी जवानहरु छन् ।
फोकल पर्सन जीवन चम्लागाईले संक्रमित दुबै जनालाई उपचारका लागि मोरङको गोठगाउँ लागिएको जानकारी दिए ।
मेचीनगरमा संक्रमितको संख्या ५१ पुगेको छ । ४६ जना निको भएर फर्किसकेका छन् । झापामा संक्रमितको संख्या ३ सय १८ पुगेको छ ।
प्रकाशित : श्रावण ६, २०७७ २०:२२प्रतिक्रिया
