बाढीले ओलाङचुङगोलामा दुईवटा पुल बगे

उक्त पक्की पुल गत वर्ष मात्रै १२ लाख रुपैयाँमा बनाइएको थियो । मिक्वाखोला–५ पापुङ जाने काठको पुल भने दुई वर्षअघि २ लाख रुपैयाँमा बनाइएको वडा कार्यालयका कर्मचारी तेन्जिङ वालुङले बताए । उनका अनुसार बाढीले चिनियाँ ठेकेदारले ओलाङचुङगोलामा छाडेको एउटा गाडी पनि बगाएको छ । ‘बस्तीको उत्तरपट्टि राखिएको थियो, नदी भित्तासम्मै आएर बगायो,’ वालुङले मेसेन्जरमा भने, ‘गाडी कामै नदिने अवस्थामा पुगेको छ ।’

टिप्ताला भन्ज्याङदेखि सदरमुकाम फुङलिङसम्म सडक निर्माणका क्रममा चिनियाँ ठेकेदारले उक्त गाडीमा एक्स्काभेटरलगायत सामग्री ल्याएका थिए । तर सडक अवरुद्ध भएपछि गाडी त्यहीँ छाडेर गएका थिए ।

तमोरको उद्गमस्थलमा पोखरी फुटेर बाढी आएको अनुमान गरिएको वडाध्यक्ष शेर्पाले बताए । उनका अनुसार पानी पर्ने क्रम नरोकिएको र बाढी पनि नघटेकाले स्थानीय बाहिर निस्किएका छैनन् ।