सोलु करिडोरका १५ जना भारतीय मजदुरमा कोरोना पुष्टि

असार २६ गते उनीहरु भारतबाट आएका थिए । स्थानीयको मागपछि उनीहरुको स्वाब संकलन गरी कोरोना परीक्षणका लागि पठाइएको थियो ।

२३ जना भारतीय मजदुरको स्वाब संकलन गरी कोरोना परीक्षणका लागि पठाएकोमा १५ जनामा कोरोना संक्रमण देखिएको बिहीबार स्वास्थ्य कार्यालय प्रमुख सुमन तिवारीले बताए । भारतीय मजदुरहरुलाई परीक्षण रिपोर्ट नआउँदै बिहीबार बिहान विराटनगर पठाइएको छ । स्वास्थ्य कार्यालय प्रमुख तिवारीका अनुसार बिहीबार दिउँसो आएको रिपोर्टमा १५ जनामा कोरोना पुष्टि भएको हो ।

यसअघि लिखु गाउँपालिकामा ५ जनामा कोरोना संक्रमण पुष्टि भएको थियो । त्यसमध्ये १ जना निको भएर फर्किसकेका छन् ।