भोजपुरमा पहिरोले ५ परिवार विस्थापित
भोजपुर — पहिरोका कारण षडानन्द नगरपालिका ८, दिङलाबजारका ५ परिवार विस्थापित भएका छन् । शनिबार राति गएको पहिरोले घरहरु जोखिममा परेपछि ती परिवारलाई अन्यत्र सारिएको हो ।
पुरुवा माटोमा बनेका ती घरहरु लगातारको वर्षात्ले क्षति पुगेको इलाका प्रहरी कार्यालय दिङलाका प्रहरी निरीक्षक भास्कर खतिवडाले जानकारी गराए । उनका अनुसार ती परिवारलाई छिमेकीको घरमा राखिएको छ ।
त्यस्तै षडानन्द नगरपालिका ७, केउरेनीपानी रुखले किचेर स्थानीय धर्मराज चौहानको घर पूर्ण रुपमा क्षति भएको छ ।
प्रकाशित : असार २८, २०७७ १९:११प्रतिक्रिया