ओखलढुंगा — सिद्धिचरण नगरपालिका–८, स्थित सेतीदेवी मन्दिर नजिकै बिहीबार बिहान मिनीट्रक पल्टिँदा चालकको घटनास्थलमै मृत्यु भएको छ । बा ३ ख ९६ नम्बरको मिनीट्रक पल्टिँदा दोलखाको जिरी स्थायी घर भएका २४ वर्षीय चालक नवराज कार्कीको मृत्यु भएको हो ।
सोलु करिडोरको सामान लिएर काठमाडौंबाट सोलु जाँदै गरेको मिनीट्रक सडकदेखि १ सय मिटर तल खसेको प्रहरी निरीक्षक मिलन बस्नेतले बताए । ट्रकमा चालक कार्की मात्रै रहेका थिए ।