नागरिकता ऐन संशोधन विधेयक विरुद्ध विराटनगरमा प्रदर्शन
मोरङ — सरकारले ल्याएको नागरिकता ऐन संशोधन विधेयकको विरोधमा जनता समाजवादी पार्टी मोरङले विराटनगरमा मंगलबार प्रदर्शन गरेको छ ।
'धार्मिक, सांस्कृतिक सम्बन्धलाई अवरुद्ध गर्न पाइदैन, नागरिकता ऐन २०६३ कायम गर, नागरिकता ऐन २०७७ खारेज गर' लगायतका प्लेकार्डसहित सहभागीहरुले नाराबाजी गर्दै नगर परिक्रमा गरेका थिए ।
संसारीमाई स्थानबाट सुरु भएको जुलुस नगर परिक्रमा पछि बी प्लटमा कोणसभामा परिणत भएको थियो ।
कोणसभामा जनता समावजवादीका नेता राजकुमार यादव, मोहम्मद कादिर, मोहम्मद नसरुल लगायतका नेताहरुले विधेयकको विरोधमा बोलेका थिए ।
प्रकाशित : असार १६, २०७७ १६:५८