नेपाली सुरक्षाकर्मीमाथि भारतीय तस्करद्वारा आक्रमण प्रयास

सोमबार मध्यराति भारतीय तस्करले अवैध रुपमा सामान छिराउने क्रममा सीमाका सुरक्षाकर्मीले रोक्न खोजेका थिए । कतिपय सामान सुरक्षाकर्मीको आँखा छलेर नेपाल छिराइसकिएको थियो । ‘अवैध सामान बरामद गर्ने क्रममा भारतीय तस्कर समूहले हाम्रा सुरक्षाकर्मीलाई लछारेका हुन्’, एसपी थक्सुले भने, ‘सामान्य वादविवाद भयो, ठूलो घटना हुन पाएन ।’

थक्सुले यो नाकावाट छिराइएको ठूलो परिमाणको मोटरपार्ट्स र सुर्तीजन्य बस्तु बरामद गरिएको छ । ‘लकडाउन खुकुलो बन्दै गएपछि तस्करहरु सल्बलाउन थालेका छन्’, एसपीले भने,‘झापाका दक्षिणी नाकाबाट तस्करी मौलाउँदै गएको छ ।’

सीमामा खटिएका नेपाली सुरक्षाकर्मीमाथि भारतीय नागरिक र तस्करको समूहबाट श्रृंखलाबद्ध आक्रमण हुँदै आएको छ ।