विराटनगर — मोरङ र उदयपुरमा करेन्ट लागेर दुई जनाको मृत्यु भएको छ । उदयपुरको बेलका १ आम्बासीका ५१ वर्षीय डम्बर तामाङको करेन्ट लागेर मृत्यु भएको प्रहरीले जनाएको छ । घरमा बिजुलीको प्लग जोड्ने क्रममा उनलाई करेन्ट लागेको थियो ।
यसैगरी मोरङको केराबारी ८ देवीझोडाकी १३ वर्षीया सपना लिम्बूको करेन्ट लागेर मृत्यु भएको छ । टर्चलाइट चार्जमा राख्ने क्रममा करेन्ट लागेर उनको मृत्यु भएको प्रदेश १ प्रहरी कार्यालयले जनाएको छ ।